Отбасында зорлық көріп, таяққа жығылып, түрлі қысымды бастан өткеріп жүрген әйелдер көп. Отасқан жарын түрлі себепті желеу етіп, ұрып-соғып, баласының психологиясына зиян келтіріп жүргендер өздерін ақтап та алады. Ерлі-зайыптылардың проблемасына көз жұма қарайтын тума -туыс та аз емес. Биыл осындай соққыға жығылып, өміріне қауіп төнген 200-ден астам әйел қаламыздағы дағдарыс орталығының көмегіне жүгінген. Олардың 100-ге жуығы орталықты паналапты. Сала мамандары жыл санап мекеме қызметін алатын тұлғалардың қатары артып келе жатқанын айтады. Мәселен, бұрындары осындай орталықтан ішімдікке үйір, тұрмысы төмен жанұялар көмек сұраса, қазір материалдық жағдайы өзгелерден кем түспейтін отбасыларда да аталмыш проблема белең алған. Мұнда келетін жандардың тағдыры сан қилы.Аты-жөнін атамауды сұраған келіншек күйеуінің дөрекі мінезін бірден байқамағанын айтады. Қазір үш баласымен қалада тұратын ол жарынан көрмеген жылуды «Тұрмыстық зорлық-зомбылық құрбандарына арналған дағдарыс орталығынан» іздеуде. Мамандар сан қилы тағдырлармен үнемі байланыста және қиын сәттерде қол ұшын беріп тұрады. Алғысым шексіз, - деді үш баланың анасы. Мұндай мысалдар көп-ақ. Әр қаракөздің тағдырына жазылған өзіндік шындығы бар. Сала мамандары көп жағдайда әйел заты заңды құқығын білмегендіктен, оған қоса мінездерінің жуас болуы себепті тұрмыстық зомбылыққа көніп жүре беретінін айтады.Орталықтан пана іздегендер тек әйелдер емес. Карантин кезінде тұрмыстық зорлық-зомбылық көрген әйелдер мен балалар саны артқан. Қосағынан зәбір көрген әйел балаларынан жылулық сезбеген қариялар осы мекеме көмегіне жүгінетін көрінеді. Мамандарды алаңдатып отырғаны да - осы. Барар жер, басар тауы қалмағандар орталықта алты ай тұруға құқылы. Осы уақыт аралығында ерлі-зайыптылармен психологтар жан-жақты жұмыс жүргізеді. Тараптарды татуластыруға тырысады. Соған қарамастан, кей аналар балаларын жалғыз өсіруге бел буған. Осы орайда, орталық директоры Талшынай Жүніс аналарға қоғам тарапынан материалдық тұрғыдан қолдау керектігін айтып отыр.
Мемлекет тұрмыстық зорлық-зомбылықпен қаншама күрессе де, әлсізге әлімжеттік жасайтын жандар азамай тұр. Тіпті, жолдасының үстінен арыз түсіріп, кейін жанұяның болашағы үшін деп арызын қайтарып алатындар көп. Мұндай оқиғалардың көбі қайғылы жайттармен аяқталып жатыр. Оған мысал ретінде осыдан екі жыл бұрынғы Ираида Ислямғалиеваның басынан өткерген трагедиялық жағдайды айта аламыз.

БҚО Іс - сапармен келген ҚР Премьер министрінің орынбасары Гүлшара Әбдіхалықова мен Еңбек және халықты әлеуметтік қорғау министрі Бердібек Сапарбаев алдымен әлеуметтік нысандарды аралады.Астанадан ат арылтып Оралға келген меймандардың бұл жолғы келісі бөлек.Олар үкіметтің атынан Елбасының халықтың әл -ауқатын жақсарту мақсатындағы бағдарламаларын түсіндіру мақсатында келген.Нұр отан партиясының сьезінде айтылған сөздер құр уәде болып қалмай іске асуы үшін аймақтардағы жағдайды бақылай келіпті. ҚР премьер министрінің орынбасары Гүлшара Әбдіхалықова бастаған топ алдымен халыққа қызмет көрсету орталығында, кейін халықты жұмыспен қамту орталығында болды.Бұл жердегі заманауи бағдарламалар мен жұмыстың жүргізілу барысын қадағалады.Кейін әлеуметтік төлемдер орталығына бас сұғып, бұл жердегі жұмыс барысымен танысты.Бұл жолғы үкімет мүшелері елге Нұр отан партиясының сьезінде айтылған бағдарламаларды түсіндіру мақсатында келіп жатыр.Осы мақсатты көздеген жиын облыстық маслихатта өтті.300 -ден астам жиналған жиында алғашқы сөзді премьер министрдің орынбасары Гүлшара Әбдіхалықова алды.
Қыс ортасында бастау алған аналардың шуынан кейін мемлекет басшысы көп балалы отбасыларға ден қоюды, оларды мемлекеттік қамқорлыққа алуды қатаң тапсырған болатын.Сондықтан да биылғы сәуірден бастап көп балалы отбасыларыдың жәрдемақысы артады, пәтер алу мәселесі төменгі пайызбен беріле бастайды,үйінде мүмкіндігі шектеулі бала бағып отырған отбасылардың жәрдемақылары өседі."Одан бөлек бюджеттік сала қызметкерлерінің де жалақысы артып, әсіресе қара жұмыста жүрген слесарь, токарларыдң да жалақысы өседі",- деді Еңбек және халықты әлеуметтік қорағу министрі Бердібек Сапарбаев.
Осы залда 300 -ден астам адам отыр. Көп балалы аналардың айтар сөзі біреу.Үй мәселесі, жәрдемақы алу мәселесі.
Көмекке аса мұқтаж отбасылар тиісті жәрдемақылар мен мемлекеттік қоладуды бірінші сәуірден бастап ала бастайды.Елбасының халықытың жағдайын жақсарту мақсатында берген тапсырмаларын түсіндіру мақсатында келен үкіметтік топ осы межені барынша орындауға тырысты.
Биыл БҚО әкімі Алтай Көлгіновтың өзі де бірнеше мәрте жеке қабылдау өткізіп, көп балалы аналарды қабылдаған. "Олардың көбі сол баспана мәселесін айтады. Мұндай шаруалар рет -ретімен шешіледі",- деді Алтай Сейдірұлы.
Екі сағат жарымға жуықтаған кездесу барысында айтылмаған сөз, төгілмеген өкпе -реніш қалмады. Кездесу аяқталысымен үкімет мүшелерінен құралған топ Нұр отан партиясының залында БҚО тұрғындарын жеке қабылдау өткізді. Бұл жерде адамдар Гүлшара Әбдіхалықова мен Бердібек Сапарбаевтың қабылдауында жеке болып, бар мәселелерін айтуға мүмкіндік алды.