«Арба», «Алтын жүрек», «Бәйтерек» қоғамдық бірлестіктері жыл бойы жұмыстарын қортындылады. Форумға қалалық ішкі саясат бөлімінің мамандары мен кәсіпкерлер және мүмкіндігі шектеулі жандар қатысты. Жиын барысында қамқорлыққа зәру мұқтаж жандарға көмек қолын созған еріктілер мен меценат кәсіпкерлер марапатталды. Қалалық ішкі саясат бөлімінің ұйымдастыруымен өткен форум мақсаты - ең алдымен өскелең ұрпақты патриотизм рухында тәрбиелеу. Қиын жағдайға ұшыраған азаматтарға жанашырлық сезімін оятып, толеранттық қатынаста тәрбиелеу. Форумды ұйымдастырушылар мүмкіндігі шектеулі жандарға соның ішінде балаларға кәсіпкерлер ұдайы қолдау көрсетінін жеткізді. Өңірде барлығы 25 мыңға жуық кембағал жан бар. Олардың 11 200-нің құлағы естімейтін болса, 1932-нің көзі нашар көреді екен. Ал осы тұлғалардың спортқа мыңнан астамы бейім келсе, мәдени шараға екі мыңдайы белсене қатысады.