"Лепосток" тынымбағында арнайы жүгіру жолы салтанатты түрде ашылды. Енді жақын маңдағы тұрғындар арнайы жабыны бар заманауи жолақпен жүгіре алады. Нысанның ашылуы қала мерекесіне жоспарланған. Саябақтың өзі бірнеше жыл бұрын жөндеуден өтіп, қала тұрғындарының сүйікті демалыс орнына айналып үлгерді. Аумағында балалар мен волейбол алаңқайлары бар.
Жүгіру жолағының ұзындығы 500 метрден асады. Спорттық ғимараттың құны шамамен 10 миллион теңгені құрайды.
Келесі ашылған орталықтың бірі "Достық " спорт кешені. Жеке инвестордың есебінен салынып отыр. Құны 200 млн теңге. Екі қабатты спорт кешенінде балалармен қатар ересектер де айналысатын болады.
Айта кету керек, бұл күні Сарытау мен Арман шағын аудандарында да жаңа спорт алаңдары ашылды.

Қаламыз бойынша көгалдандыру жұмыстары 5 жоспар бойынша жүзеге асады. Аталмыш жобалардың 4  «Жасұлан флора» мекемесі, ал қала көшелеріне бір жылдық және көп жылдық жасыл екпелерді отырғызу жобасын «Уланов» шаруа қожалығы ұтып алған. Жобадағы жоспарлар бойынша жасыл екпелерді отырғызу жұмыстары ағымдағы жылдың 4 мамырында басталған болатын. Бүгінде Ассамблея алаңы, Салтанат сарайы, Жайық самалы сынды жерлерге бір жылдық «шырайгүл, герань, цинерария, барқыт» және көп жылдық «роза» гүлдері отырғызылды.
Қалаға көрік беру мақсатында Мөңкеұлы тынымбағына 130 дана, Әзербайжан көшесіне 262 дана шырша егілді. Ал шаһардағы адамдар көп шоғырланатын демалыс орнының бірі Тұңғыш Президент алаңына жауапты мекеме бүгінде жұмыс жоспар бойынша орындалып жатырғанын жеткізді.
Облыс орталығындағы гүл егу жұмыстары шілде айының соңына дейін жалғасатын болады. Жалпы жоспар бойынша қаламызда 42000 жуық түп жасыл екпе егу жоспарланған.