Өткен демалыс күндері "Ақжайық" футбол құрама командасы Алматылық "Қайрат- жастарымен" кездесті. Ойын оңтүстік астанада ұйымдастырған болатын. Тартыс дода Ақжайықтың жеңісімен аяқталды. Есеп үш те бір. Бірінші тайм барысында оралдық Павинич есеп ашып, кейін, Рустемов пен Мелло жеңісті еселей түсті. Қазіргі таңда "Ақжайық" құрамасы турнир кестесінде 4 орында тұр. Оралдық аяқ допшылар премьер-лигада өнер көрсетуі үшін соңғы ойындарда жеңіске жетуі керек. Ақжайықтың келесі ойыны үшінші қарада Петр Атоян атындағы стадионда Елорданың "Астанасымен" кездеспек.

БҚО - да ауылдарды газдандыру және ауыз су тарту жұмыстары қарқынды жүріп жатыр.Осындай жұмыстардың нәтижесінде БҚО Ақжайық ауданы 84 пайыз таза ауыз сумен қамтылса, ауданның 92 пайызы көгілдір отынға қосылған.Бұл ақпаратты халық алдында есеп берген аудан әкімі Қалияр Айтмұхамбетов айтты.Бүгінде аудан 92 пайыз көгілдір отынмен қамтылған. Биылғы жоспар бойынша 11 елді -мекенді көгілдір отын көзіне қосу жоспарда тұр.Ал, ауылдарға ауыз су тарту мәселесі жоспарлы түрде жүргізіліп келеді.2018 жылдың өзінде Сайқұдық,Әтібек,Қамыстыкөл ауылдарына таза ауыз су тартылған.Ал, Шабдаржап, Томпақ ауылдарына су тарту жұмыстары былтыр басталған, енді биыл ол жұмыстарды аяқтау көзделіп отыр.Биылғы жоспарда 7 ауылға су тарту көзделген.
Ақжайық ауданы негізінен мал шаруашылығымен айналысады.Бүгінде мал басын асылдандыру, саның көбейту бағытында шаруалар жасалып жатыр. Бүгінде Ақжайық ауданы бойынша асыл тұқымды ірі қара өсіретін 44, жылқы өсіретін 7,қой өсіретін 2 қожалық жұмыс жасап тұр.Бұлардың бәрі де асыл тұқымды мал басын көбейтумен айналысып келеді.Мемлекет тарапынан "Сыбаға" бағдарламасы арқылы тиісті көмекті де алып отыр.Қазір Ақжайық ауданы бойынша 305 қыстақ мал бағып отыр.Шаруа қожалықтары малды бағудың заманауи түріне көшкен.Бүгінде 3 шаруа қожалығы GPS бағдарламасы арқылы малды қадағалап отырса, 1 шаруа қожалығы электронды бақташы құрылғысы мен дрон сатып алыпты.
Халыққа қажетті өнімдерді қол жетімді бағамен сату мақсатында аудан бойынша 33 мәрте ауыл шаруашылығы өнімдерінің жәрмеңкесі өтіпті.Халық алдында есеп берген аудан әкімі Қалияр Айтмағамбетов аудан халқын баспанамен қамту бағытында да біраз тірліктің жасалғанын баян етті. Атап айтсақ кезекте тұрған отбасыларға деп аудан орталығынан 3 қабатты тұрғын үй салу көзделіп отыр.Бұдан бөлек ауылдық жерлерде де баспана салу жоспары бар.
Аудан әкімінің есебін тыңдауға келген халықтың көп бөлігі әкім жұмысына риза екендіктерін жеткізді.Ақжайық ауданында шұғыл шешуді қажет ететін үлкен мәселе де жоқтың қасы, тек Жайықтың Бұқар беті мен аудан орталығын қосатын көпір болса деген сұрақ болды.Бұл мәселеге қатысты әкім қазіргі таңда құжаттары дайындалып, конкурсқа жолданды деп жауап берді.
Ақжайық ауданы әкімінің есебіне қатысқан БҚО әкмінің бірінші орынбасары Ақжайық ауданының даму бағытына жоғары баға беріп, аудан халқына алғыс білдірді.
Ақжайық ауданы бойынша цифрландыру жобасы да қарқынды дамып жатыр.Бүгінде білім беру нысандары мен денсаулық сақтау ұйымдары ғаламтор желісімен толық қамтылған.Ал, аудан әкімідігі жанынан жұмыс жасап тұрған ашық әкңмдік жобасы толықтай осы цифрландырудың жемісі.

Назарбаев зияткерлік мектебінің оқу әдісін басқа мектептерге үйрету қажет. Себебі оқушылардың қазіргі заманға сай білім алуы керек. Бұл ретте қала мектептерінен бөлек алыс аудандар мен ауылдық жерлердегі мектептердің өзі осы Назарбаев зияткерлік мектебінің әдісімен білім беріп бастаулары қажет. Сондықтан да Орал қаласындағы Назарбаев зияткерлік мектебінің мұғалімдері аудандарды аралап семинарлар өткізіп жүр.Осы жолы зияткерлік мектептің ұстаздары мен оқушылар Ақжайық ауданында болды.Қазіргі заманда баланың жақсы білім алуы үшін ата - аналар барын салып жақсы мектеп іздейді.Орал қаласындағы бір ғана Назарбаев зияткерлік мектебі бүкіл облыстың балаларын қамти алмасы белгілі.Сондықтан да жақсыны көрмекке, білмекке дейтін ұстаздар үшін Назарбаев зияткерлік мектебінің мұғалімдері арнайы семинарлар өткізіп тұрады.
Семинар барысында оқушыларға арнайы тапсырмалар беріліп жұмыс жүргізілді. Баланың шығармашылық ойлауы мен тұлғалық қалыптасу үшін қажетті делінетін әдістер мұғалімдер үшін атап айтылды.Бұдан бөлек мектеп директорларының орынбасарлары үшін де арнайы дәріс оқылды. Бұл жерде біліммен қоса тәрбие жұмысын алып жүру мәселесі талқыға салынды.
Қазір орта мектептердің бәріне осы Назарбаев зияткерлік мектебінің әдісін енгізу мәселесі қолға алынып отыр.Ол үшін алдымен мектеп мұғалімдерінің өздері арнайы семинарлардан өтеді.
Заманға сай тәрбие мен білім беру ісін қолдайтын Назарбаев зиятерлік мектебінің ұжымы өткізген бұл семинар Ақжайық ауданының мұғалімдері мен оқушылары үшін тиімді болғаны сөзсіз.

БҚО Ақжайық ауданының орталығында үш бірдей көшеге күрделі жөндеу жұмыстары жүргізілген. Дәл қазір жұмыстар аяқтала келіпті. Аудан билігі алдағы жылға да жол жөндеу жұмыстарын жалғастыратындарын жеткізді.

Биыл Ақжайық ауданының орталығындағы жол жөндеу жұмыстары үшін бюджеттен 175 млрд.тай қаржы бөлініпті. Қазір аудан ішіндегі үш бірдей көшедегі жол жөндеу жұмыстары аяқтала келген.Б ұдан бөлек аудан ішіне қатынайтын арнайы маршурт іске қоысылып, тұрғындардың игілігі үшін аялдамалар қою жұмыстары жалғасып жатыр. Жалпы аудан орталығына 10 аялдама орнату көзделген. Әрі тұрғын үйлердің алдына арнайы қоқыс төгетін алаңдар әзірленіп жатыр. Мұның бәрі тұрғындардың таза, қауіпсіз өмір сүрулері үшін жасалып жатырған дүниелер.

Аудан ішінде биыл үш көшеге жөндеу жүргізілген. Келесі жылы төрт көшеге жөндеу жүргузі жоспарланып отыр. Қазір солардың құжатары тапсырылып жатыр дейді мамандар.
Қазір жұмыстар аяқтала келген, енді жол бойындағы таңбаларды орнату жұмыстары жүргізілетін болады.

Бүгін облыс әкімдігінің "Ақжайық" залында мұғалімдер күніне орай облыс әкімінің орынбасары Ғабидолла Оспанқұлов ел болашағы, білімді ұрпақты тәрбиелеуде өзіндік зор үлес қосқан ардагер ұстаздар мен қала мектептерінде елеулі еңбек етіп жүрген бір топ ұстаздарды қабылдады.Кездесу барысында емен-жарқын әңгіме айтылып, ұстаздар қауымы марапатталды.

Мектеп табалдырығынан тарыдай болып кірген баланың тұлға болып қалыптасуына дейінгі ұстанымдары мен білім дәрежесінің жоғары болуы оның ең бірінші мектепте қалаған іргетасының мықтылығына байланысты. Ал, сол іргетасының берік болып қалануына бірден бір себепкер жан-ұстаз. Мәртебелі мамандық иесі - ұстаздардың еңбегі ерекше. Айтулы мерекеге орай ұйымдастырылған дөңгелек үстелде сөз сөйлеген облыс әкімінің орынбасары ұстаздарды төл мерекелерімен құттықтап,облысымыздағы білім саласында атқарылып жатқан игі істер жайына тоқталды.

Білім саласына қажетті келелі кездесу барысында қазіргі қоғамда ұстаздың алатын орны жайлы жиі айтылды. Ашық-жарқын әңгіме жүріп,ұстаздардың пікірі тыңдалды.Шара барысында ардагер ұстаз Мария Мамайқызы Астананың 20 жылдығына арналған арнаулы төс белгісімен марапатталды.

Шара соңында жалпы 16 ұстазға облыс әкімдігінің арнаулы дипломдарымен сыйлықтар табысталды.

Ел чемпионатының премьер лигасы аясында 3-ші орында келе жатқан Қостанайдың "Тобыл" командасын қабылдады. Жаңбыр астында өткен тартысты ойында өкінішке орай, жерлестеріміздің жоспары орындалмай, қарсыласына есе жіберіп алды.

Ауа райының қолайсызығына байланысты шығар Петр Атоян атындағы алаңға футболшылароды қолдауға келген жанкүйерлер қарасы тым аз болды. Аяқ допшылар да жауын астында бар өнерлерін көрсете алмаған сыңайлы. Матч сағат 17:00де басталды. Тартысты ойын нәтижесі көңіл қуантарлық емес. Көп күш жұмсалып, тер төгілгенімен жерлестеріміз мергендік таныта алмады. Екінші тайм соңында қарсыластар сапынан Джаба Канкава есеп ашып, кездесу 1:0 есебімен Қостанайдың "Тобылының" пайдасына аяқталды.

"Ақжайық" футбол командасының бапкері бұл жеңіліске қарап ойыншылар еңбегін бағалау әділетсіздік деп санайтынын айтты. Қазіргі кезде "Ақжайық" футбол командасы турнир кестесінің 8-ші орнында келе жатыр. 30 қыркүйекте оралдықтар көмірлі қала аяқ допшыларына қарсы өнер көрсетеді.

Қаламызда "Рухани жаңғыру" бағдарламасы аясында облыстық "Аcыл ана" көп балалы аналар байқауы оздырылды. Шараға облыс аудандарымен қатар, Орал қаласынан жалпы 12 көп балалы ана қатысқан болатын. Негізгі мақсаты көп балалы отбасыларды дәріптеу, абзал аналарымыздың қадір-қасиетін насихаттау. Шара барысында сайысқа қатысқан көп балалы аналарға "Әлқожа" бренді орамалдары, "Ғибадат" ЖШС бесіктері табысталды.

Ана болу-үлкен бақыт болса, көп баланы дүниеге әкелу-нағыз ерлік. Қоғамдағы көп балалы ананың қадірін арттыру, насихаттау бағытында тұңғыш рет облыстық '"Асыл ана" көп балалы аналар байқауы өтіп отыр. Жарыста облысымыздың алыс-жақын аудандарынан 12 көп балалы ана сайысқа түсті. Сайыс 6 кезеңді қамтыған болатын.
Сайысқа қатысушылар арасындағы ең жас, көп балалы ана небәрі 28 жаста. Бүгінгі таңда Теректілік жас ана 4 бала тәрбиелеп отыр. Жас ана сайыстан алған әсерімен, қуанышымен бөлісті.
Сайыс қорытындысы бойынша бас жүлде мен Сарыағаш шипажайына жолдаманы Теректілік ана жеңіп алса, 1-орын Қаратөбелік көп балалы анаға бұйырды.

Ел чемпионатының премьер-лигасында жерлестеріміз Петропавлдың "Қызылжар" командасын қабылдаған болатын. Есеп 2:0-мен аяқталып, "Ақжайық" турнир кестесінің 5-ші орнына көтерілді.

"Ақжайық" пен "Қызылжар" арасындағы кездесу сенбі күні сағат 19:00-де басталды. Сондықтан жергілікті жанкүйерлерге таңдау жасауға тура келді. Олай дейтініміз бұл сәтте әлем чемпионатында Бельгия мен Англия арасындағы кездесудің қызған шағы болатын. Ал Оралдықтар үшін ала доптың тартысын Атоян алаңынан тамашалауға мүмкіндік болды. Алғашқы сәттен қарсыластың тойтарысына дес бере білген жерлестеріміз басымдықтарын көрсетті. 2-ші минутта Малик Мане есепті ашса, 2-ті таймда да сұрмерген қонақтар қақпасына тағы бір допты дәл көздеді. Нәтижесінде кездесу 2:0 есебімен "Ақжайық" аяқ допшыларының пайдасына аяқталды.

"Ақжайық" ел чемпионатының премьер-лигасы аясындағы кезекті кездесуін 21-шілде күні, сенбіде "Атырау" командасына қарсы өткізеді.