“Ақжайық” футбол командасы – TDK-42

Орал қаласының "Ақжайық" футбол командасы кезекті матчқа қызу дайындалуда

Эльмира Рахмешева — Fri, 05 Oct 2018 11:26:45 +0000

Ел чемпионатының премьер лигасы аясындағы кездесу Петропавл қаласының аяқ допшыларына қарсы өтеді. Жерлестеріміз өз алаңымызда өтетін ойында ұпай жинап қалуы тиіс. Өйткені чемпионаттың аяқталуына аз ғана уақыт қалып отыр. Жанкүйерлердің қолдауы мен әр мүмкіндікті тиімді пайдалану турнир кестесінен лайықты орын алуға ықпал етпек. Ал соңғы 3 ойында "Ақжайық" ұпай жоғалтып, қарсыластарына есе жіберіп алған болатын.

"Ақжайық" футболшылары елорда ойыншыларын қабылдады

Эльмира Рахмешева — Mon, 24 Sep 2018 13:00:45 +0000

0:00 / 0:00

Орал қаласының футбол командасы ел чемпионатының премьер лигасы аясындағы кезекті матчын өткізді. Бұл жолғы қарсыласы-Қазақстанның футболдан чемпионы "Астана" командасы. Ойынның алғашқы бөлімі сүбелі ұпайларға толы өтті.

Ойын Петр Атоян атындағы стадионда өтті. Алғашқы ұпай төрешінің он бір метрлік айып добын тағайындауынан соң ашылды. Бірінші гол авторы Ричард Алмейд. Екінші ұпай Алексей Щеткиннің еншісіне жазылды. "Астана" қақпашының осал тұсын пайдаланған Артур Каршаускс тағы бір ұпай ашып, кездесу 2:1 есебімен елордалық қонақтардың пайдасына аяқталды.

"Ақжайық" футбол командасының бас бапкері ойыншыларға разы екенін мәлімдеді. Осы матчтан соң "Ақжайық" турнир кестесінің 8-ші орнында. 26-қыркүйекте жергілікті команда Қостанайдың "Тобылымен" күш сынасады.

"Ақжайық" футбол командасы қарсыласына есе жіберді

Эльмира Рахмешева — Mon, 27 Aug 2018 12:13:02 +0000

Оралдың "Ақжайық" футбол командасы ел чемпионатының премьер лигасы аясындағы кезекті кездесуінде ұпай жинау мүмкіндігінен қапы қалды. Матч Шымкенттің "Ордабасы" командасына қарсы өткен болатын. Алаң иелері жерлестерімізден 1 ұпаймен басым түсіп, ойынды осы көрсеткішпен тәмамдады. "Ақжайық" осы кездесуден соң турнир кестесінің 8ші орнында келе жатыр.

Мүмкіндік пайдаланбау салдары ұпайдан ұтылуға әкеліп соқтырды. "Ақжайық" кездесу басында айып добын соғуға мүдделі болды. Өз айып алаңында ойын ережесін бұзған "Ордабасы" қорғаушысы жазаланды. Алғашқы таймда екі команда үшін де турнир кестесіндегі көрсеткіш өзгермеді. Тек екінші таймда есеп ашылып, Ордабасы командасы пайдасына доп соғылды. Осылайша кездесу 1:0-мен аяқталды. Қазіргі кезде чемпионатта үзіліс жариялануда. Жерлестеріміз турнир кестесінің 8-ші орнында келе жатыр. "Ақжайық" футбол командасының кезекті кездесуі 16-қыркүйек күні Алматының "Қайрат" командасына қарсы өнер көрсетеді.