Бүгін оралдықтар журналистикада 25 жыл тәжірбиесі бар, арнамыздың келбеті, білікті журналист, Роман Копняевты ақтық сапарға шығарып салды. Әріптесімізді соңғы сапарға шығарып салуға келген бұқараның қарасы қалың болды.

Ақжайық жұртшылығы журналистикада өзіндік қолтаңбасын қалдырған, білікті, кәсіби журналист Роман Копняевты соңғы сапарға шығарып салды. Роман Евгеньевич "ТДК-42" телеарнасының келбетіне айналып, арнамыздың дамуына үлес қосты. Ол саналы ғұмырында журналистика саласында түрлі БАҚ-да қызмет жасап үлгерді. Телеарна ашылған кезден бастап түрлі хабар дайындап, тікелей эфир мен кешкі жаңалықтарды тізгіндеді. Көзі қарақты көрермен бақиға аттанған әріптесіміздің материалдарын асыға күтіп, қарап, материалын бірден танитын. Ол- түрлі тақырыпта жазып та, айта білген журналист. Роман Копняев эфирге материал дайындаған кезде тақырып таңдамай, түрлі проблеманы да, азаматтардың қуанышын да бөлісті. Бұқара халық мәселесі болса, Романға айтуға асығатын. Кәсіби маман көпшілікке көмектесуі үшін аянбай қызмет жасады.

Роман Копняевты ақтық сапарға шығарып салуға келген бұқара халықтың қарасы көп. Жерлеу рәсіміне қатысқан тума-туыс, дос-жарандар мен қала тұрғындары марқұм туралы естеліктерін былай деп баяндайды.

Әріптесіміздің отбасы мен тума-туыс, достарына қайғыра көңіл айтамыз. Марқұмның топырағы торқа боп, жаны жәннатта шалқысын! Роман Копняевтың жарқын бейнесі көрермендер мен әріптестерінің жадында мәңгі сақталады!

Ақжайық жұртшылығы ҚР Еңбек сіңірген қайреткері, дирижер Қырымгерей Қажымовпен қоштасты. Маэстро 75 жасында дүние салды. Қырымгерей Қажымұлы саналы ғұмырында елдің мәдениет саласын дамытуға өлшеусіз үлес қосып, талай дүлүлді баптап, өнер додасына қосты.

Ақжайық жұртшылығы еліміздің Еңбек сіңірген қайраткері, дирижер Қырымгерей Қажымовты ақтық сапарға шығарып салды. Атақты дирижер 75 жасында дүние салды. Марқұм бар ғұмырын мәдениет саласын дамытуға, шәкірт тәрбиелеуге арнады.

Қырымгерей Қажымовты соңғы сапарға шығарып салу үшін келген бұқараның қарасы қалың еді. Қаралы жиында марқұмның жора-жолдастары, өнердегі дос-жарандары, шәкірттері сөз салды. Барлығы бірдей Қырымгерей Қажымұлының қажырлы еңбегін, адамгершілігін тілге тиек етті.

Қырымгерей Қажымов 1946 жылы Теректі ауданына қарасты Тәнтен ауылында дүниеге келген. Ол алдымен Орал училищесінде оқып, кейін Құрманғазы атындағы консерваторияда білімін толықтырады. Марқұм 1991 жылы Орал музыка училищесінің директоры болып тағайындалады. 2000 жылы филармония жанынан облыстық халық аспаптар оркестрі құрылып, оған көркемдік жетекші, әрі бас дирижер ретінде жетекшілік еткен. Қырымгерей Қажымовтың өнегелі өмірі көпке үлгі болмақ! Марқұмның жанұясы мен туған-туыстарына қайғыра көңіл айтамыз!

Өткен демалыс күні Ақжайық жұртшылығы Қызылорда облысында апаттан мерт болған капитан Сырым Мәселіммен қоштасты. Аралтөбенің тумасымен қоштасу №50 мектепте өтті. Қайғылы оқиға 27-ші наурыз күні Қызылорда облысына қарасты Жалағаш ауданында болды. Қорғаныс министрлігіне тиесілі Ми-8 тікұшақ құлап, он үш адам қаза тапқан еді.

Сенбі күні қорғаныс министрлігінің өкілдері Оралға бейбіт күнде қаза тапқан капитан Сырым Мәсәлімнің денесін алып келді. Қорғаныс саласының қызметкерлері батыр ұлдың әкесіне көңіл айтып, капитанды бір минут үнсіздікпен еске алған еді. Марқұммен қоштасу жексенбі күні Орал қаласының №50 мектебінде өтті. Қаралы жиынға келген батысқазақстандықтардың қарасы қалың. Жиында сөз алған облыс әкімі қара жамылған батырдың отбасына көңіл айтты.

Бейбіт күнде опат болған Сырым Мәлкейұлы бала кезінен бастап ұшқыш болуды армандаған. Ол 2007 жылы Ақтөбе қаласындағы Т. Бигелдинов атындағы әуе қорғаныс күштері әскери институында білім алып, соңғы демі қалғанша әскери антына берік болды. Бейбіт күнде опат болған капитанның артында жары мен кішкентай баласы қалды.

Күллі қазақстандықтардың қабырғасын қайыстырған апат наурыздың 27-күні Қызылорда облысында орын алған-ды. Қорғаныс министрлігіне тиесілі тік ұшақ құлап, салдарынан он үш әскери қызметкер жан тапсырды. Қазаға байланысты Елбасы мен президент көңіл айтып, марқұм болған әскерилердің отбасыларына көмек көрсетілетіндігіне хабардар еткен еді.