Бөрлі ауданының орталығы Ақсай қаласында замануи "Set Sail" атты жаңа супермаркет ашылды. Жаңа сауда нысаны Жарсуат сауда үйінде орналасқан.

Ақсайда орналасқан "Жарсуат" сауда үйінде жаңадан "SET Sail" деп аталатын супермаркет ашылды.

Жаңа супермаркет жаңа жұмыс орындарын ашуға мүмкіндік берді. Елу ақсайлық осы супермаркетте жұмыс жасайды.

Енді су жаңа супермаркет саудалайтын өнімдеріне тоқталсақ. Дүкен сөресінен сүт, макарон, ет пен шұжықтың түр-түрін, жеміс-жидек пен көкөністерді сатып ала аласыздар. Супермаркеттің басшылығы баға саясатын ұстануға уәде беріп отыр. Және супермаркетте түрлі акция мен науқандар ұйымдыстырылмақ. "SET Sail" -дің ашылуына келген ақсайлықтарды сөзге тарттық. Олардың супермаркеттен алған әсері мынандай.

"SET Sail" супермаркетінің ашылу салтанатына орай, алғашқы тұтынушылар арасында бағалы сыйлықтар ойнатылып, жеңімпаздарды анықтады. Тұрғындар қажетті тағамдарды сатып алып, сый-сияпатқа ие болды. "SET Sail" супермаркеті Жастар 13 мекенжайындағы "Жарсуат" сауда үйінде тұтынушыларды асыға күтеді. Тауардың мол ассортименті мен құнарлы, жаңа піскен азық-түлікті отбасы бюджетін үнемдей отырып, сатып алыңыз!

Әдеп жөніндегі кеңес Ақсай қаласында бу қазандықтарын алмастыру үшін 86 млн 287 мың теңге көлемінде қаражатты "Ақсай жылу қуат" мекемесіне аударған бөлім басшысының ісін қарады. Жиында белгілі болғандай бөлім басшысы қазандықтарды алмастыру үшін мемлекеттік сатып алу бойынша, конкурс ұйымдастырыпты. Алайда, ол келісім бұзылып, бөлім басшысы қыруар қаржыны өзге мекемеге аударады.

Жиында сөз алған кеңес мүшелері бөлім басшысы мемлекеттік сатып алу ісін бойынша заңнамада айтылған талаптарды орындалмағандығын айтады. Яғни, бу қазандықтары жөнделуі үшін арнайы мемлекеттік сатып алу конкурсы өтіп, кейін жеңімпаз атқарған жұмысы үшін ақша алуы тиіс. Алайда, тұрғын үй коммуналды шаруашылығының өкілдері Ақсай жылу қуат мекемесінің өкілдерімен бір көзден сатып алу бойынша келісімге келіпті. Алайда, бұл бұл келісім заңсыз деп танылған. Қазіргі таңда Ақсайда жөнделген бу қазандығы мен мемлекеттің қыруар қаржысы тапшы. Кеңес мүшелері бөлім басшысы толықтай лауазымына сәйкес келмейді деген шешім шығарды.

Сондай-ақ, әдеп кеңесінде Ақжайық ауданына қарасты жер қатынастары бөлімінің басшысы 49 жылға жерді жалға бергендігі туралы іс қаралған еді. Кеңес мүшелері аталмыш фактіге байланысты қылмыстық іс қозғалғандықтан шешім шығаруды кейінге шегерді.

Облыс көлемінде жастардың бос уақытын тиімді ұйымдастыру мен олардың басын қосып, түрлі өнер мен білім үйрететін коворкинг орталықтар көптеп ашылуда. Биыл Бөрлі ауданының орталығында жастарға арналған орталық өз жұмысын бастады. Сала мамандары коворкинг ашылғалы бері келушілер саны күн санап артып келеді,- дейді. Орталықта шахмат пен дойбы ойнайтын арнайы орын жабдықталған. Сондай-ақ, түрлі қиындықтармен күресу үшін екі психологиялық кабинет те жұмыс жасайды екен. Психологтар отбасылық және тұлғалық дамуында қандай да қиындық туындаған жандарға көмек көрсетуге дайынбыз,- дейді.

Ақсай қаласында 240 орынға жабдықталған балабақша іске қосылды. Аталмыш нысан барлық қажетті делінген құрал-жабдықтармен жабдықталған. Мектепке дейінгі орталық моно қаланың солтүстігінде орын теуіпті. Су жаңа нысанның ашылу салтанатына арнайы облыс әкімі Алтай Көлгінов қатысты. Соңғы жылдары Бөрлі ауданында балабақшалардың көптеп салынуы арқасында Ақсайлық бүлдіршіндер мектепке дейінгі орталықтармен толықтай қамтамасыз етілген.

Ата-аналар мен балалар бұл балабақшаның ашылу салтанатын ұзақ күткен еді. Бүгін олар үшін ең қуанышты күн десек те болады. Аталмыш мектепке дейінгі орталық Ақсайлық бірінші мектептің жанынан ашылып отыр. Балабақша "КПО"Б.В" компаниясының есебінен бой түзеген. Ғимарат барлық қажетті құрал жабдықтармен жабдықталған. Балабақшадағы ойыншықтар мен түрлі техниканың баршасы баланың ой- өрісін дамытуға көмектеспек.

Бүгінгі таңда Ақсай қаласы бойынша 3 жастан 6 жасқа дейінгі 52 бүлдіршін балабақша кезегінде тұр. Сала мамандары осы айдың аяғына дейін балаларды 100 пайыз балабақшамен қамтамасыз етуді көздеп отыр. Жаңадан мектепке дейінгі орталықтың ашылуы арқылы бірнеше азамат жұмысқа орналасып, отбасын асырауға мүмкіндік алды.

Бөрлі ауданына жұмыс сапарымен табан тіреген өңір басшысы балаларды толықтай балабақшамен қамтамасыз ету  "Мемлекеттік-жекеменшік серіктестік" аясында жүзеге асырылып жатқандығын тілге тиек етті. Облыс көлемінде жұмыс жасап жатырған 500 мектепке дейінгі орталықтың 52-сі жекеменшік болып табылады.