"Зашаған мен жаңа шағынаудандар үш күнге газдан айырылады" бұлай деп Оралдық тұрғындар даурығуда. 30 мыңға тарта тұрғыны бар бұл ықшамауданда бүгінде 10 әлеуметтік нысан бар. Көпшілік те осы мекемелердің жұмысына алаңдаулы. Қала әкімі Алтынбек Қайсағалиевтің айтуынша, бірқатар ықшамаудандарды газдан айыруға №39 үйдің құрылыс жұмыстары себеп болуда. Алайда халықтың даурығуы жөнсіз, себебі көгілдір отын үш күнге емес бір күнге ғана өшіріледі екен
Сарытау, Көктем, Арман, Бор тау, Қазақ ауыл мен Зашаған ауылдарында бір күн газ болмайды. Әкімдік қызметкерлері таңғы алтыда айырылған табиғи отын кешкі 7ге дейін берілетінін айтып уәде берді. Айта кетелік, жер үйлер де 16 қазан күні жылыту жүйесінен ажыратылмақ.