«Ақ жол» ҚДП-ның облыстағы фракция төрағасының орынбасары, депутат Бағдат Ізмағанбет мерейлі жас иесі - Юрий Казанинді меймандар алдында құттықтап, құрмет көрсетті. Салтанатты жиында бұдан соң «Ақ жол» партиясының парламенттік фракциясының жетекшісі Азат Перуашевтың арнайы құттықтау хаты оқылды. Кейін Казанинге құрмет көрсетіліп, қазақы дәстүр бойынша иғына шапан жабылды. Бұдан соң «Ақ жол» партиясының 100 жылдық мерейтой төсбелгісі табысталды. Шара барысында жиналғандар Юрий Казаниннің еңбектері туралы сөз қозғады. Депутат бүгінде халықтың әлеуметтік мәселелерін көтеріп қана қоймай, өңірдегі спорт саласының дамуына үлес қосып жүр. Бұдан бөлек осы саладағы ынталы балаларға қолдау көрсетуден кенде емес. Жиында өнерпаздар шағын музыкалық сәлемдеме жолдап, кейін мерекелік дастархан жайылды.

Коронавирус инфекциясының таралуын тоқтатып, науқастанған жандардың санын азайту үшін өңірдің бас санитарлық дәрігері апта сайын жаңа қаулы шығаруда. Эпидемиологиялық жағдайға байланысты қаулыдағы шектеу шаралары күшейіп келеді. Бұл кәсіпкерлердің жұмысына зиян. Сауда үйлері, кинотеатрлардың өкілдері жұмыс уақытының қысқаруы табыстан қағылуымызға себеп болды дейді. Мәселен, қазіргі таңда кинотеатрларға кешкі сағат 8-ге дейін рұқсат бар.

Сауда үйін жалға алып, табыс тауып отырған кәсіпкерлер жұмыс уақытының қысқаруы үлкен шығынға әкеліп соғатынын алға тартады.

"Ақ жол" партиясының өңірлік филиалында бас қосқан жиында ҚР Мәжіліс депутаттары, бас санитарлық дәрігер мен "Атамекен" палатасының өкілдері кездесті. Бас санитарлық дәрігер қаулыны қайта-қайта түсіндіріп, кәсіпкерлердің сұрағына жауап берді. Дәрігерге түрлі сауал жолданды.

Жиында шұғыл штабтың құрамында локдауннан зардап шеккен кәсіпкерлер болуы керек деген ұсыныс айтылды. Осы шараға қатысқан мәжіліс депуттаттары кәсіпкерлерді толғандырған сауалдар бойынша оң шешім табылғанша бірге жұмыстанамыз,- дейді.

Жиынды қорытындылаған кәсіпкерлер өңірдің бас санитарлық дәрігері қабылдап отырған шектеу шаралары республикалық санитарлық дәрігерге қарағанда қатаң, сол себепті бизнеске тосқауыл болмауы үшін оны бәсеңдету мақсатында құзырлы органдарға хат жазамыз деп тарқасты.