Облыста КВИ шалдыққан науқастар өткен аптамен салыстырғанда 26 пайызға төмендеді. Оған қоса кешегі күні өңірде вирус жұқтырудың 15 дерегі тіркелген. Тәулігіне вакцина қабылдамаған 10-15 науқас ауруханаға түсіп жатыр. Бұл туралы бүгін облыстық коронавирусқа қарсы жедел штаб отырысында облыстың бас дәрігері Арман Қалибеков мәлімдеді. Аумақ айдан аса уақыт "сары" аймақтар тізімінде. Эпидемиологиялық ахуалды одан әрі жақсарту үшін енді міндетті вакцинациялау шарасы жүзеге асырылатын болады.Облыс әкімі штаб отырысында тұрғындарды жаппай екпе алуға шақырды. Қазір өңірдегі барлық инфекциялық ауруханаларда науқастар толымдылығы 27 пайызды құрайды.Енді кәсіпорын қызметкерлері коронавирусқа қарсы екпе алуы тиіс. Ал екпе алмағандардың ауруға қарсы медициналық көрсетілімі болуы шарт. Олай болмағанда жұмыс орнына кіруге рұқсат жоқ. Бұл туралы облыстың бас санитар дәрігері Мұқамғали Арыспаев мәлімдеді. Сонымен қатар бұдан былай мониторингтік топтар енді барлық жұмыс орындарын аралап, санитарлық талаптарды сақмағандарға айыппұл сала алады. Мәселен, ірі кәсіпорындар мен кәсіпкерлік субъектілеріне 4 млн. 500 теңгеге айыппұл салынса, шағын кәсіпкерлерге 670 мың теңге көлемінде айыппұл тағайындалады.

Орал қаласында айыппұлдарын уақытылы төлемеген көліктер айып тұрағына тоғытылып жатыр.Бұл жолы полиция қызметкерлері соттың шешімі бойынша арест қойылған машиналарды үйлердің ауласынан алып кетіп жатыр.Айыппұлдарды өндіру мәселесі жыл бойына тұрақты түрде жүргізіліп келеді.Соған қарамастан айыппұлды уақытылы төлеуге асықпайтын көлік иелері бар.Енді оларға ешқандай кешірім жасалмайды.
Орал қаласының көшесімен жүріп өткен бұл көлікті қала тұрғындары көрді.Айыппұл төлемегені үшін ұсталды деген жазу да тектен тек емес.Полиция өкілдері азаматарды айыппұлды уақытылы төлеуге шақырады. Әйтпеген күнде сот шешіміне сәйкес айыппұлы бар машиналарды полиция өкілдері иесінің рұқсатына қарамастан аулалардан , үйлердің жанынан алып кетіп, айып тұрағына қоятын болады.Ал, бұл машинаның иесі 50 мың теңге айыппұлды төлемеген.
Әкімшілік айыппұлдарды өндіру ісін БҚО ӘПБ тұрақты түрде жүргізіп келеді. Қазір Орал қаласында айыппұлды өндіру ісі осылайша жүргізіліп жатыр. Полиция өкілдері жеке сот орындаушыларымен бірге айыппұлы бар машиналарды көшеден алып кетіп жатыр.Себебі айыппұлды уақытылы төлемеген адамдардың машиналарына соттың шешімі бойынша қойылған арест бар.
Бүгінде жеке сот орындаушыларының қолында 18 мыңдай айыппұл өндіру қағазы жатыр екен.Айыппұлды әр адам ерікті түрде төлеуі тиіс.Бірақ уақыт көрсетіп тұрғандай айыппұлды төлеуге асықпайтын адамдар да баршылық.Бүгінгі оқиға соған дәлел.Бұл іс алда тұрақты түрде жүргізілетін болады. Бүгінде айып тұрағына 300- ге жуық машина қойылған.

Негізгі қарызды төлеген салық төлеушілерден жалпы сомасы - 129 миллион теңге айыппұл есептен шығарылды. Мемлекеттік кірістер департаментінің мәліметінше, 4 қыркүйектегі жағдай бойынша қала кәсіпкерлерінің саны 926-ға жеткен. Олардың мемлекет алдындағы қарызы 318 миллионнан астам теңгені құраған. Сала мамандары ірі салық төлеушілер мен акцизделетін тауарларды өндірушілер және жеке тұлғалар салықтық амнистияға ұшырамайтынын еске салады. Еске салсақ, 2018 жылдың 1 қазанына дейін жинақталған қарыздың келесі жылдың аяғына дейін төлеу керек. Сонда кәсіпкерлер барлық айыппұлдар мен өсімақылардан босатылады.

Темір жол билетін қайтарғандарға салынатын айыппұлдың жойылуына «Жолаушылар тасымалы» АҚ-ның үстеріне ел тұрғындарынан түскен арыздар негіз болса керек. Осыған орай, билетті қайтарған сәтте ұсталынатын 1000 теңге көлеміндегі айыппұл алынып тасталды. Ал құны 3500 теңгеден жоғары билеттерді қайта табыстағанда ұсталатын комиссиялық алым өзгеріссіз қалды.

Бұған дейін заңды тұлғалардың бір орынды резервке ұстауына 290 теңге алынатын. Кемінде 10 адамға топтық билет алуда заңды тұлға жол жүруге 6 күн қалғанша тізімге өзгеріс енгізе алады. Бір тәулік қалғанша билетті өткізсе - оның толық құны қайтарылады. Одан бөлек жолаушылар тапсырысты электронды цифрлық қолтаңба бойынша да рәсімдей алады. Билет бұрынғыдай бір бланкада емес, әрбір жолаушыға бөлек беріледі.

Биылғы жылдың 28 тамызында ҚР Индустрия және инфрақұрылымдық даму министрлігінің "Жолаушылар тасымалы, қол жүктері мен пошта жөнелтімдері ережелеріне" енгізілген өзгерістер өз күшіне енеді. Жаңа ережеге сәйкес, пойыз ішінде шылым шегуге түбегейлі тыйым салынды.

БҚО - да жалған мемлекеттік нөмірлі көлік қолға түсті. "Борышкер" жедел профилактикалық іс шарасының бірінші күнінде - ақ полицейлер бірнеше заң бұзушылықтарды анықтады.Рейдтік шара кеше, маусым айының 18 күні басталған болатын. "Борышкер" жедел профилактикалық іс шарасы маусым айының 18 нен 28 -не дейінгі аралықта өтетін болады.БҚО полицейлері мен жеке сот орындаушылары кеше рейдтің бірінші күнінде -ақ бірнеше заң бұзушылқтарды анықтады. Борышкер шарасы аясында алимент төлемей жүргендер мен әкімшілік айыппұлдарды төлеуден жалтарып жүргендер тоқтатылып, айыппұлдар өндірілетін болады.Бүгінде Орал қаласы бойынша 4 мыңға жуық әкімшілк іс өндірісте жатыр дейді мамандар.
Борышкер жедел профилактикалық шарасы аясында алимент төлемей жүрген әкелерге де іздеу салынатын болады. Бүгінде БҚО бойынша 8 мыңнан аса іс алимент өндірісі бойынша қаралып жатыр. Ал 134 әкеге іздеу жарияланған. Алименттерін төлеуге асықпай жүрген әкелердің де сот шешіміне сәйкес көліктері тоқтатылып, егер алиментті төлемесе көлік жүргізу құқығынан айыру көзделіп отыр. Бұл қарыздардың бәрі арнайы база арқылы тексеріледі. Автоураган кешені арқылы анықталады.Рейдтік шараның бірінші күнінде -ақ полицейлер жалған мемлекеттік нөмірлі көлік басқарған азаматты қолға түсірді. Мерседес көлігін басқарған азаматтың екі айыппұлы бар болып шықты.
Енді бұл көлік иесі жалған нөмір таққаны үшін әрі жалған нөмірлі көлікті басқарғаны үшін жауапқа тартылады. Айта кетейік жалған нөмір таққаны үшін 15 АЕК есебінде айыппұл салыну көзделген.Жалған нөмірмен көлік басқарғаны үшін 20 АЕК есебінде айыппұл немесе бір жылға жүргізуші куәлігінен айыру көзделген. Бүгінде Орал қаласындағы айып тұрағында айыппұлдарын уақытылы төлемеген 475 машина тұр.Полиция қызметкерлері осы он күндік рейд барысында азаматтарға айыппұлдарын төлеуге мүмкіндік беріледі дейді, ал төлеуден бас тартып, қарсылық танытқан жағдайда ғана хаттама толтырылып, тиісті шаралар жүргізілетін болады.

Қоғамдық тәртіпті сақтау баршаның ортақ міндеті.Алайда, адамдар қоғамдық орындарда үнемі тәртіп пен ережені сақтай бермейді.Кейбірі арнайы қоғамдық тәртіпті реттейтін заң барын білмей жасаса, екіншілері біле тұра әдейі ережені бұзуы мүмкін.Қоғамдық орындардағы тәртіп дегенде көбінің есіне шылым шегу мен ішімдік ішу мәселесі оралады.Иә, қоғамдық орындарда шылым шегуге, ішімдік ішуге тиым салынған.Бірақ бұдан да басқа заң талаптары мен ережелер бар ғой.Көпшілік сақтай бермейтін қоғамдық тәртіптің бірі ол кез - келген жерде машина жуу.Әсіресе күн жылынысымен адамдар көп қабатты үйлердің ауласында, жолдың жиегінде машиналарын жуа береді.Бірақ, тәртіп сақшылары көріп қалса айыппұл салып жіберуге құқы бар.Себебі бұл әкімшілк құқық бұзушылыққа жатады.Сонымен өзен -көл жағасында, көп қабатты үйлердің ауласында, жол жиегінде машина жаууға тиым салынған. Көшеде итпен жүрудің де өз ережесі бар.Әсіресе балалар ойнайтын алаңқайларға итпен келуге болмайды.Егер итіңізді қасымнан тастамаймын деп шешсеңіз онда итке міндетті түрде қарғы бау тағыңыз.Және оның бетіне мұрындық кигізілген болуы керек.Жаман айтпай жақсы жоқ, егер итіңіз біреуге секіріп, денсаулығына зиян келтіретін болса, онда жауапқа иттің иесі тартылады.Бұл да әкімшілік құқық бұзушылық болып есептеледі, ол үшін 10 айлық есептік көрсеткіш есебінде айыппұл қарастырылған.Полиция өкілдері жаз айларында балалардың қауіпті аймақтарға шығып кетпеуін қадағалауды сұрайды.Әсіресе самакат теуіп сырғып жүрген балалар байқамай жолға шығып кетуі мүмкін.Самакатты да кез- келген жерде тебуге болмайды, әсіресе машина көп жүретін аумақтарда мұқият болған абзал. Жаз мезгілінде адамдардың бәрі шайтан арбаға отырады.Бірақ қалада шайтан арабамен жүрудің де өз ережесі бар.Жолдан өткенде міндетті түрде шайтан арбадан түсіп, белгіленген жолмен өту ккерк.Бізде Орал қаласында арнайы веложолақ жоқ.Бірақ Орал қаласындағы мәдениет және демалыс саябағында ала тұрғындарына деп веложолақ салынды. Қазір бұл жер шайтан арбамен серуендегенді ұнататындардың сүйікті орынына айналған.Біз жоғарыда атап өткен ережелердің бәрі де алдымен адамдардың өз қауіпсіздіктері үшін қажет.Екінші орында қала тазалығы мен қоршаған ортаның қауіпсіздігі керек.

Әкімшілік айыппұлдарды төлеуден жалтарғандар енді қамауға алынады.Бұл әдіс Орал қаласында жүзеге асып басталып та кетті. Жуырда ғана Орал қаласында соттың шешімімен өзіне салынған әкімшілік айыппұлды төлемеген бір адам бес күнге қамауға алынған болатын.Полиция өкілдері мұндай қадамға амалдың жоқтығынан барып отыр деуге болады. Әйтпеген күнде азаматтар өзеріне салынған айыппұлдарды уақытылы төлеуге асықпайды, соттың шешімін орындауға құлықсыз.Сондықтан да әкімшілік айыппұлдарға мұрын шүйіріп қарағандар әкімшілік қамауға алынады, ал, оның ар жағында қылмыстық істің мәселесі қылқыйып тұрады. Бір сөзбен айтқанда әкімшілік айыппұлдарға жүрдім - бардым қарауға болмайды.

Ешқандай әрекет жазасыз қалмайды.Қоғамдық орындарда төбелес шығарып немесе көрші -көлемнің берекесін қашырасыз ба, әлде көпшілік жүретін жерде тәртіп бұзасыз ба, ішімдік ішіп елдің мазасын алып, көшеге темекінің тұқылын тастайсыз ба мұның бәрі әкімшілк жауапқа тартылатын әректтер.Ол үшін адамдарға арнайы хаттама толтырылып, әкімшілік айыппұлдар салынады.Жол ережесіне пысқырмай, көшеде қалауынша түрліәрекеттер жасайтын көлік иелері де әкімшілк айыппұлдан ада емес.Полиция департаменті берген дерекке көз жүгіртсек 2018 жылы 87 673 әкімшілік айыппұл салынған.Соның ішінде 62 269 әкімшілк айыппұл иесі өз еркімен айыппұлдарын төлепті.
Жол жүру ережесін бұзып, өздеріне салынған айыппұлдарды уақытында төлемеген 771 адамның көлігі айыптұрағына қойылған.Бұдан бөлек Армения, Ресей, Қырғызстаннан көлік айдап келіп, шетелдік нөмірмен жүрген 266 автокөлікке айыппұл салынған.Демек, шет елдік нөмірлі көліктер жазадан сытылып кетуге болады деген қағида жүрмейді.Тәртіп бұздыңыз, жердің астына түсіп кетсеңіз де берешағыңызды өтеп кетесіз.Ал, өзіне салынған айыппұлға жүрдім - бардым қараған Оралдық бір азамт жақында бес күнге әкімшілк қамауға алынды.Бар болғаны 36 мың 75 теңге үшін бес күнге қамалды.
Айыппұлдарды төлеуден бас тартып, сот орындаушының сөзіне құлақ аспағандар енді осылай әкімшілік қамауға алына бермек.Ол үшін сіздің басыңызда миллиондаған айыппұл болудың қажеті жоқ, 10-15 мың үшін де сотталып кетуіңіз мүмкін.Одан қалса әдейі төлемегеніңіз үшін үстіңізден қылмыстық іс қозғайды.
Бүгінде әкімшілік айыппұлдардың ең көбі жол ережесін бұзатындарға қатысты салынады. Жол ережесін бұзғаны үшін 14 мың айыппұл парағы толтырылған, ал қоғамдық тәртіпті бұзғандар үшін 11 мың айыппұл салынған. Әкімшілік айыппұлдарды өндіру ісінде полиция жеке сот орындаушыларымен бірігіп алдағы уақытта да жұмыс жасай бермек. Айыппұлдарын төлемеген азаматтар енді жауаптан жалтара алмайды. Сондықтан полиция өкілдері әр азаматқа өзіне салынған айыппұлды уақытылы төлеуге шақырады.

Мәселен, орталық базар аумағы тұрғындар көп баратын сәйкесінше көп көлік жүретін аудандардың бірі. Сонымен қатар бұл маңда шағын кәсіпкерлік субьектілері көп орналасқандықтан тұрғындар өздері лайықты деп тапқан орындарға автокөліктерін қоя салады. Көліктердің арнайы тұраққа қойылмауы салдарынан әсіресе қысты күні коммуналдық қызметке күш түседі. Өйткені жол жиегіндегі қар тазалау шаралары көлік иелері келгенше тұралап қалады.
Мәселен бұл күнгі шара барысында да бірқатар көліктер арнайы техникалырдың көмегімен айппұл тұрағына жөнелтілді. Сол себепті тәртіпке бағыну қажет дейді полицейлер.

Орал қаласында өз аумақтарынан қарды шығармаған кәсіпкерлерге жыл басынан бері 400-ге тарта айыппұл салынған. Күннің күрт жылынуына байланысты жергілікті полиция талапты орындамаған бизнес өкілдеріне жаза қолдануды қатаңдатып отыр. Себебі жалғыз коммуналдық кәсіпорын ақ ұлпадан қаланы бір өзі тазалап шығуға қауқарсыз. Тәртіп сақшылары бұл орайда өз міндеттерін орындамаған кәсіпкерлер 30 айлықтан 100 айлық есептік көрсеткішке дейінгі айыппұлға тартылатынын ескертті.

Күн сайын облыс орталығын қардан тазалауға 100 бірлік техника мен 350 адам күші тартылады. Ауа температурасы жоғарылаған сайын мүжілген ақ мамықтан тезірек арылу үшін коммуналдықтар екі ауысымда жұмыс жасауда.

Қаланы абаттандыру туралы ережеде кәсіпкерлердің өз аумақтарын тазалауға міндетті екені жазылған. Алайда бұл міндетті орындауға немқұрайлы қарайтындар баршылық. Сол себепті қазір арнайы ескерту жасалуда.

Қардан келер залал күн жылынған сайын арта түседі. Өз аумағын қардан тазаламаған жеке тұлғалар-20 айлық, щағын бизнес өкілдері-30, ал ірі бизнес нысандары- 100 айлық есептік көрсеткіш көлемінде айыппұлға тартылады.

Ескертуге құлақ аспайтын кәсіпкерлерге шара қатаңдатылады. Айта кетейік, қаланы түгелдей қардан аршу бір ғана коммуналдық кәсіпорын үшін ауырлық туғызады. Сол себепті қосымша күштер тарытлуы мүмкін.