ағымдағы жөндеу – TDK-42

Мектептегі ағымдағы жөндеу жұмыстары

Айнур Құрмашева — Thu, 12 Aug 2021 12:17:09 +0000

Орал қаласындағы білім беру нысандары жаңа оқу жылына дайындықты аяқтай келді. Өйткені жаңа құрылыс жұмыстарынан бөлек ағымдағы жөндеу шараларыда тәмәмдала келген. Мәселен №13 орта мектеп 2020 жылы «Энергия тиімділігі мен энергияны үнемдеу бойынша жаңғырту бағдарламасы» аясында Дүниежүзілік даму банкінің грантын ұтып алған. Соған орай биыл құрылыс-монтаждау жұмыстары жүргізілуде. Яғни, мектептің үш қабатындағы барлық терезелер мен шығатын есіктер ауыстырылды, шатырды жылыту жұмыстары жүргізілуде. Ауа райына байланысты жұмыс жасайтын үнемді жылу жүйесі орнатылады. Мектептің жарықтандыру жүйесі толықтай ауыстырылады. Барлық жұмыстар 24 тамызға дейін аяқталады деп жоспарлануда. Бұдан бөлек орталықтағы №3 ЖББОМ шатыры толықтай ауыстырылып ағымдағы жөндеу жұмыстары қызған. Мәселен №3 ЖББОМ 70 жылдан бері жұмыс жасап келеді. Өздеріңізге белгілі ағымдағы жылдың 3-4 маусымында қатты жел соғып осы білім беру нысанының шатырын жұлып әкету себепті комиссия мектептің төбе бөлігін толықтай жөндеуден өткізу туралы шешім қабылдады. Бүгінде құрылыс жұмыстары аяқтала келген. Білім ошағында барлығы 820 өрен білім алады. Биылғы жаңа оқу жылын мектеп табалдырығын 90 бүлдіршін аттайды деп жоспарланып отыр. №3 мектептен бөлек 13 мектепте күрделі жөндеу өтіп жатыр. Облыс орталығында үш ауысымды мектептер мәселесі біртіндеп шешімін табуда. Барлық білім беру орындары жаңа оқу жылына дайындықты пысықтауда.Бұдан бөлек Оралдағы «Ақбота» балабақшасы мен Дина Нүрпейсова атындағы мектепте күрделі жөндеу жүргізілуде.

Жол жөндеу

Ажар Хамитова — Tue, 05 May 2020 10:29:08 +0000

0:00 / 0:00

Орал қаласында тас жолдардың ағымдағы жөндеуі басталды. Бұл мақсатқа қазынадан 300 млн теңгедей қаражат бөлініпті. Сала мамандары ағымдағы жол жөндеу жұмыстары Назарбаев пен Евразия даңғылдарында аяқталғанын айтады. Аталмыш жұмыстар шаһардың барлық орталық және магистралды көшелері жолдарында орындалмақ.

Қалалық жолдардың шұрық-тесігін жамауға арналған ағымдағы жөндеу жұмыстары басталды. Биыл осы мақсатта бюджеттен 300 млн теңге көлемінде қаражат бөлінді. Сала мамандары тендерді ұтып алған компания Назарбаев, Еуразия даңғылы мен Алматы көшесінің жөндеуі аяқталды,- дейді. Қазіргі таңда Сырым Датов көшесінде жұмыс атқарылып, кейін Әбілқайыр даңғылы мен Шолохов көшелерінің тас жолдары жасалмақ.

Биыл ағымдағы жөндеу жұмыстарын ұйымдастыруда жаңа көлік пайданаланып жатыр. Бұл уақыт пен адам күшін үнемдеуге сеп болады. Мамандар темір тұлпар үш бірдей жұмысты бірден атқарып жатқанын айтады.

Қалалық жолдардың ағымдағы жөндеу жұмыстары маусымның ортасында аяқталмақ.

Орал қаласында жолды жөндеуге 300 млн. теңге бөлінді

Эльмира Рахмешева — Fri, 30 Mar 2018 13:46:56 +0000

0:00 / 0:00

Орал қаласында күннің жылынуы мен қардың еруі жолдағы жағдайды ушықтырып, жеңіл авто көліктердің қозғалысын қиындатып жіберді. Мұндай жолдарда жүргізушілер темір тұлпарларын зақымдап алмас үшін ілбіп жүруге мәжбүр. Биыл облыс орталығындағы осындай шұңқырларды бітеп, ағымдағы жөндеу жасауға былтырғыдан аз ақша бөлініп отырған көрінеді.

Көлік қарасы бір сейілмейтін Петровский көшесінің бойында бірнеше ор-шұңқыр пайда болған. Мұндай жолда жүрген авто көліктің қосалқы бөлшектері жиі істен шығып, қалтамызға түсетін салмақ арта бастады дейді жүргізушілер. Орал қалалық жолаушы көлігі және авто көлік жолдары бөлімінің мәлімдеуінше, биыл ағымдағы жөндеуге 300 млн. теңге бөлініп отыр. Бұл өткен жылмен салыстырғанда 100 млн.ға аз сома.

Ағымдағы жөндеу өткізуші компанияны анықтау үшін жарияланған тендер аяқталып отыр. Оның нәтижесі бойынша "Айдана" ЖШС бұл жұмысқа жауапты деп танылыпты. Ағымдағы жөндеуді жолдар кепкен соң бірінші кезекте қоғамдық көлік жолдары мен басты көшелердің бойында бастау жоспарланып отыр.