Қазгидромед орталығының мамандары фермерлер жұмысын жетілдіру мақсатында  кеңес беруді қолға алды.  Агрометеорологиялық мониторинг және болжам жасау бойынша қолға алынып отырған жаңа пилоттық жоба агроболжам бойынша қызмет көрсетеді.   Жоба ауыл шауаршылығы өндірісінде өнімділікті арттырып, қолайсыз метеорологиялық құбылыстардан болатын шығындарды азайтады, дейді мамандар. Бұл туралы «Қазгидромет» РМК бас директоры Марат Қынатов мәлімдеді. Агрометеорологиялық жазбалар өндіріс өнімділігн арттырып, шығындарды азайтады деп санайды мамандар.  Агро қызмет мерзімі бір жыл ішінде қайтарымсыз негізде көрсетілетін болады. Мамандар мониторинг және болжам арқылы шаруалар үсік, бұршақ жауын, боран және басқа да ауа райы құбылыстары жайында алдын ала ақпарат алатын болады. Анықтамалар ауар райыдан болған зардап үшін сақтындыру компаниялар және мемлекеттік ұйымдардан өтемақы алуға негіз береді. Жоба тестілеу режимінде  өткен жылы Солтүстік Қазақстан облысында сыналып 25 келісімшарт жасалған. Төрт ай ішінде (шілде-қазан) кәсіпкерлер нақты ауа райы туралы және ауыл шаруашылығы дақылдары жайында ақпаратты электронды почта және WhatsApp арқылы алып отырған. Кәсіпкерлерге арналған қызметтер шеңберінде синоптикалық және агрометеорологиялық болжамдар, дауылды алдын ала ескерту және метеобағдарламалар берілмек. Сонымен қатар ғарыш түсірілімдері пайдаланылады, осылайша егістіктердегі «мәселелер» уақтылы анықыталып отырады. Қызығушылық танытқан шаруа және фермерлік қожалықтар «Қазгидромет» РМК-мен келісімшартқа отыруы керек. Қызмет көрсетудің алғашқы жылы – тегін. Іс-шара қорытындысы бойынша Батыс Қазақстан облысы әкімдігі және «Қазгидромет» РМК арасында агрометеорологиялық мониторинг және болжамды дамыту туралы меморандумына қол қойылды.