Оралдық 32 жасар Қуаныш Ахметов жаңа жылдық қыдырыстан соң кісі қолынан қаза болды. Оның өліміне «Сова» жеке күзет агенттігінің қызметкерлері күдікті деп танылып отыр. Қуаныштың апасы Бақыттың айтуынша марқұм жұмыстастарымен бірге 24 желтоқсан күні мерекелік шарада болған. Мейрамханада өзге мекемелер қызметкерлері болыпты. Көңіл көтеру барысында ішімдікке қызғандар өзара дауласып қалған мыс. Кейін тысқа шығып жаға жыртысқан жігіттерді ажырату мақсатында мейрамхана әкімгерлері тәртіп сақшыларын шақыртады. Осы орайда полицейлер Қуанышты наркологиялық орталыққа әкеледі. Осы жерде 32 жасар оралдық шу шығарыпты.Күзет қызмектерлері оны орталықтан алып кетеді. Кейін олардың арасында тағы да дау туындаса керек. Наркологиялық орталық маңындағы жанар-жағармай бекетіндегі бейнежазбаға көз жүгіртсек, марқұм өзіне көңіл аударту мақсатында әрекет жасағаны байқалады. Бүгінде марқұмның соңында кішкетай қызмен жолдасы қалды. Жеке күзет қызметінің басшылығы сол шақыртуға барған қызметкерлерді жұмыстан шығарғанын мәлімдеді. Шамамен аталған күзет мекемесінде 130-ға жуық адам еңбек етуде. Ал қылмысқа қатысы бар деп күдікті ретінде танылып отырған екеудің бірі - Абзал осыдан екі жыл бұрын бір бүйрегін бейтаныс қызға беріп, оны ажалдан араша алып қалған еді.

Бұл жөнінде денсаулық сақтау басқармасы хабарлады. Алайда біздің өңірде мұндай оталар жасалмайды және науқастарға өзіне сай келетін донар табылғанша ұзақ күтуге тура келеді. Ал осындай халдегі науқастың өмірін сақтауға үлес қосқан донордың бірі - Абзал Адилов Орал қаласында тұрады. Күллі Қазақ еліне осы ерлігімен танылған 26 жастағы азамат Шымкенттік бойжеткен Жәмила Байсерікованың қыл үстіндегі өмірін сақтап қалу үшін бүйрегін ұсынған болатын. Аталмыш жағдайдан соң Абзалдың өміріне үлкен өзгерістер орын алды.

Ішкі органдары жарамсыз болып, өз өмірлерін сақтап қалу үшін бүйрек, жүрек, бауырларын алмастыр отасына зәру болып отырған науқастар саны облыста артып отыр. Соның ішінде 100-ге жуығы бүйрек алмастыру отасын күтіп жүр. Донор табылғанша науқастар қымбат аппараттарда ем алады. Жақын-жуықтары арасынан сәйкес донор табылмаса, ұзақ уақыт гемодиализ орталығында ем алуға тура келеді.

Донор табу оңай емес. Осындай қиын жағдайда, екі бүйрегі бірдей істен шыққан Шымкенттік азаматша Жәмила Байсерікованың тағдыры жөнінде теледидардан көрген Оралдық жігіт аяқ асты бейтаныс жанды құтқарып қалу үшін донор болу туралы шешім қабылдайды. Абзал Адиловтың бұл ерлігі күллі елге белгілі болып, оны қолдағандар да, сынға алғандар да көп болды. Ал жігіттің бұл ерлігіне сүйсінген жандардың бірі-Әйгерім Исмаил Абзалды өмірлік жары ретінде таңдаған. Ғашықтар қазір тойға дайындық үстінде. Әйгерім Исмаил да Шымкенттің тумасы. Ол өзінің Абзалдай азаматқа жар боларын мақтан тұтады.

Оралдық Абзал Адилов Шымкент қаласындағы бейтаныс қызды құтқарып қалу үшін өзінің бір бүйрегін берген болатын. Төсек тартып жатқан Жәмила Байсерікова қазір аяғынан тұрып, жазылып келеді. Осынау күрделі отадан соң 25 жасар жігіт өзіне қалыңдық тауып, туған жеріне оралған. Қазір ол Айгерім Исмайл деген арумен бас қосып, отау тігуге дайындалып жатыр.

2017-жылдың қазанында екі бүйрегі қатар істен шығып, жағдайы ауырлаған Жәмила Байсеріковаға ота жасалды. Абзал Адилов бейтаныс бойжеткеннің денсаулығы жөнінде телеарнадан естіп, қатты алаңдаған. Кейін өзі донар болуға шешім қабылдады. Алматы клиникалараның бірінен отадан кейін шыққан Абзал Адиловты қайырымдылық қоры белсенділері күтіп алды.

Абзалдың қалыңдығы жігіттің бұл ерлігі жөнінде ғаламтордан біліп, оған алғыс айту үшін әлеуметтік желіден хат жазған. Олардың таныстықтары сезімге ұласыпты.

Абзалдың ең жақын туыстарының бірі Ақлима Бижанова. Жастарға бұл шаңырақ мүшелерінің орны ерекше. Қазір олардың үйінде тұрып жатыр. Еш ақысыз жас жанның өмірін сақтау үшін бүйрегін берген азаматтың ісі - нағыз ерлікке баларлық. Қазір Абзал жұмысқа орналасып, өз өмірін қолға алуға кірісуде. Арманы-жаңадан құрғалы отырған отбасымен баспанаға қол жеткізу.