Сыбайлас жемқорлыққа қарсы күрес агенттігі шетел асып, қашып жүрген Мұхтар Әблязовтің жақтастарын елге өз еркімен оралуға үндеді. Ендігі жеті сыбайласына қатысты сот үкімі шықты. Оларға 1,5 мыңнан 3 мың АЕК-ке дейін айыппұл төлейтін жаза кесілді.  Бұл жайында бүгін Сыбайлас жемқорлыққа қарсы іс-қимыл агенттігінде өткен баспасөз маслихатында мәлім болды.

Осы жылдың тамызында Алматы қаласында өткен сот отырысында Әблязовтің жеті сыбайласына қатысты үкім шыққан болатын. Оның ішінде Ресей, Украина және Қазақстан азаматтары бар.  Оларға сот үкімімен 1500 АЕК-тан 3 мың АЕК-қа дейін яғни 7 млн 500 теңгеге айыппұл салынды. Сот бұл орайда олардың өз кінәсін толық мойындағанын және  Әблязовтің бұйрығымен жасаған қылмыстан  материалдық пайда көрмегенін де ескерді, деп отыр агенттік өкілдері. Бұлар  өз еркімен елге оралғандар.

Сергей Перов – ҚР сыбайлас жемқорлыққа қарсы ІС-қимыл агенттігінің департамент басшысы: "Біз істің объективті қаралатынына кепілдік береміз. Қазір біз Әблязовтің әрбір сыбайласының қылмыстық схемада қандай рөл атқарғанын жақсы білеміз. Оның ол адамдарды қалай пайдаланып, лақтырып кеткені де бізге аян. Сондықтан өз еркімен елге оралғандар, тергеуге көмектесіп, айыптыларды анықтауға жәрдем еткендер бас бостандығынан айырылмайды. Оларға тек айыппұл салынады немесе шартты түрде сотталады.

Агенттік өкілінің мәлімдеуінше,  Мұхтар Әблязовтің қашып жүрген сыбайластары шетелде күнін көре алмай қиналған. Тіпті көше сыпырып кеткен көрінеді. Бұл орайда жемқорлықпен күрес агенттігі  Әблязовпен ауыз жаласқандарды өр еркімен оралуға үндейді. Егер өз еркімен келсе, оларға қатысты жаза да жеңілдейді дейді.

Сергей Перов – ҚР сыбайлас жемқорлыққа қарсы ІС-қимыл агенттігінің департамент басшысы: "Біз сыбайластарын өр еркімен оралуға үндейміз. Егер өз еркімен оралмаса, құзырлы орагандар халықаралық құқықытық қатынаста шара қолданамыз. Экстрадициялаймыз. Олардың бәрі бірауыздан далада қалғанын айтады. Біреуі көше сыпырушы болған, енді бірі ұсаққылмыс жасап күнін көрген. Отбасы мен жақындарынан алыста, үнемі қорқып, ізін жасырып жүруге мәжбүр болған"

 Бүгінде Мұхтар Әблязовке қатысы бар деген тағы  18 адам іздеуде жүр. Шамамен осыншасы елге оралған.Құзырлы орган шетелде бас сауғалап жүрген бұл азаматтардың қай елдерде жүргенінде білеміз деп отыр.  Алайда тергеуге қатысты ақпаратты жария етпеді. Айтпақшы, еліміздің  бас прокуратурасы қашып жүрген экс-банкир Мұхтар Әблязовтің сөзіне қатысты әлеуметтік желілерде тарап жатқан заңсыз митингіге шақыруларға  байланысты қазақстандықтарға ескерту жасады. Прокуртура азаматтарды заң нормаларын қатаң сақтауға, арандатушылыққа бой алдырмауға және Қазақстанда тыйым салынған ұйымдардың заңсыз әрекеттері мен қызметіне қатыспауға шақырды.

Статистикалық мәліметтерге сүйенсек, бүгінде 2 мың 600 қазақстандық  азамат іздеуде жүр. Олардың арасында 1,5 мыңнан астамы мемлекетаралық, ал 1,2 мыңнан астамы халықаралық деңгейде іздеуде. Бүгін Парламент мәжілісі шетел асып, қылмыстық жауапкершіліктен қашып жүргендерді аулайтын заңнаманы талқылады. Мәжіліс депутаттары жалпы  отырыста «Қазақстан Республикасы мен Украина арасындағы экстрадициялау туралы шартты ратификациялау туралы» заң жобасын мақұлдады. Осы заң аясында Украинадла ұзақ уақыт жасырыпн жүрген қылмыскерлерді елге экстрадициялауға мүмкіндік тумақ. Сондай-ақ, Бас прокурордың орынбасары Марат Ахметжанов Бас прокуратура Мұхтар Әблязов пен Виктор Храпуновтың ісіне қатысты материалдарды шетелдік құқық қорғау органдарына жіберетінін айтты.

Қазіргі күні елден асып, шетел қашып жүрген 2 мың 600 азамат іздеуде. Оның 1,5 мыңнан астамы мемлекетаралық, ал 1 мың 200  халықаралық деңгейде іздеуде жүр. Біздің құзырлы органдарға шетелде қашып жүргендерді аулауға заң кедергі болып отыр. Украинада 13 адам бас сауғалап жүрген болса, соңғы үш жылда алтауы елге берілді. Қазіргі уақытта Украинада іздеуде жүрген тағы алты адам анықталды. Енді Мәжіліс мақұлдаған  Қазақстан мен Украина арасындағы экстрадициялау туралы шартты ратификациялау туралы» заң жобасы бұл жұмысты жеңілдетпек. Жалпы отырыста палата төрағасы еуропада емін-еркін жүрген екеудің мәселесін неге шешпей отырмыз деп сынады. Алайда, спикер Нығматулин ол екеудің атын атап, түсін түстемеді.

Өз кезегінде Бас прокурордың орынбасары Мұхтар Әблязов пен Виктор Храпуновтың ісіне қатысты материалдар шетелдік құқық қорғау органдарына жіберілетінін айтты.  Еуропападағы қашқындарды елге қайтару үшін Еуро Одаққа кіретін елдермен келісім шарттарды жасау жоспары тұр дейді ол.

Айте кетейік, Әблязов пен Храпунов ұйымдасқан қылмыстық топ құрамында миллиардтаған қаржыны жымқырған. Бұл Қазақстан аумағында аса ауыр қылмыс болып саналады. Прокуратура оларға қатысты қылмыстық қудалау жалғасатынын хабарлап отыр. Сондай-ақ, елде Мұхтар Әблязовқа қатысты заңды күшіне енген сот үкімі бар. Ол экономиколық, жалпы қылмыстық іс жасағаны үшін сырттай сотталды. 2018 жылдың 27 қарашасында банкир Ержан Тәтішевті өлтіруді ұйымдастырғаны үшін Мұхтар Әблязов өмір бойына бас бостандығынан айырылған еді.Қазір Әблязов Францияда бас сауғалап жүр. Бүгінде Қазақстанға экстрадациялау мақсатында басқа елдермен оларды қайтару жұмыстары жүргізілуде.