Өткен жылы БҚО аумағында қызметтерін жүзеге асырып, бірақ облыста тіркелмеген 82 компания анықталған. Биыл да өткізілген мемлекеттік сатып алу конкурстары нәтижесінде жеңімпаз-мердігерлердің кейбірі өзге өңірлерден екені белгілі болып отыр. Бұл ретте облыс салық бойынша 4 млрд. теңгедей түсімнен қағылады. Бүгін БҚО әкімі Ғали Есқалиевтің төрағалығымен өткен жиында осы компаниялардың өңірімізде тіркелуі бойынша келіссөздер жүргізу қажеттігі тапсырылды. 2020 жылдың 1 қаңтарына облыс аумағында қызметін жүзеге асыратын, бірақ тіркелмеген 82 компания анықталған. Жүргізілген келіссөздер арқылы төртеуі ғана тіркелген. 10 компания облыс аумағында филиалдарын ашқан. БҚО экономика және бюджеттік жоспарлау басқармасының басшысы Тілепберген Қаюповтың мәліметінше, 2020 жылдан бастап 2021 жылға ауыспалы сомасы 33,5 млрд. теңгені құрайтын 61 инвестициялық жоба жүзеге асырылуда. Оның ішінде 19 жоба бойынша жалпы сомасы 22 млрд. теңгені құрайтын облыста тіркелмеген 17 мердігер бар. Бұл ретте облыс бюджетінің салықтар бойынша шығыны 2,7 млрд. теңгені құрады. Ал биыл 121 бюджеттік инвестициялық жоба іске асырылуда. 81 жобаның мердігері анықталды. Соның ішінде 38 жобаның мердігері ретінде анықталған 20 компания облыста тіркелмеген. Лездеме одан әрі «ikomek» 109» байланыс орталығы мен қаланы абаттандыруға қатысты атқарылған жұмыстар туралы өрбіді. Мәселен, шаһар 20 округке бөлініп, санитариялық тазалық шаралары орындалуда. Қала әкімі Абат Шыныбеков атап өткендей бүгінде облыс орталығында 109 байланыс телефонына қоңырау шалушылар көп. Алда мамыр мерекелері. Қазіргі эпидемиологиялық ахуалға байланысты барлық мерекелік шаралар онлайн өтетін болады. Оған қоса ауру егде жастағылар арасында артуына байланысты қазыналы қариялармызды барынша аурудан қорғау шаралары атқарылуы тиіс. Сол себепті биылда мерекелік шерулер болмайды. Жиынды қортындылаған өңір басшысы Ғали Нәжмиденұлы жоғарыдағы көтерілген алғашқы мәселеге байланысты, атап айтқанда облыста тіркелмеген кәсіпкерлік субъектілерінің салықты уақытылы төлеу мен оларды тіркеуге қатысты жұмыстарды 1 ай ішінде жүргізу қажеттігін орынбасарлары мен қала, аудан әкімдеріне тапсырды.Айта кеткен жөн ҚПО б.в қосалқы мердігерлері, ұлттық компаниялар филиалдары және бюджеттік жобаларды игеретін мердігерлер облыста тіркелуі керек.

Орал қаласы аумағында 56 алаң мен тынымбақ бар, олардың 43-і абаттандырылған. Ағымдағы жылы тынымбақтарды абаттандыру бойынша 2 жоба жүзеге асырылмақ. Сала мамандарының айтуынша, 5 гектар аумақты құрайтын жасыл желекті жол абаттандырылады. Шаһар көшелеріне биылдан бастап көпжылдық гүлдер отырғызылатын болады. Алдымен гүл отырғызылатын аумақтар белгіленіп қойған. Бүгінде мемлекеттік конкурс шешімі шығып, шаһар келебетін көріктендіру және гүлзарларды күтіп баптау жұмыстарымен шұғылданушы компания белгілі болған. Айта кету қажет, абаттандыру жұмыстарын 3 жыл бойы бір мекеме жүргізетін болады.Сонымен қатар орталық Абай алаңы мен Жеңіс алаңын жаңғырту жұмыстарына 85 млн. теңге қаржы қарастырылған. Жобалар бойынша көгалдандыру, жарықтандыру, сонымен қатар, кіші сәулет формаларын орнату жұмыстары жүргізілуде. Орталық Абай алаңында кеспе төсем тастарды ауыстыру шаралары аяқталуға жақын. Ал ескі материалдар 1-ші мектептің аумағына қайта төселетін болады. Орал қаласында биыл бірнеше жаңа жоба жүзеге аспақ.

Шаһарды шырайландыру шаралары ширай түсті. Қазір «Қоршаусыз қала» жобасы аясындағы жұмыстар Жуков, Құрманғазы, Гагарин, Сырым Датов көшелері бойында жүргізілуде. Ендігі кезекте Назарбаев даңғылындағы қоршауларды алып тасталынатын болады. Абаттандыруға 20 - ға жуық жұмысшы тартылған.Сала мамандары: металл қоршауларды жою жаяу жүргіншілер жолдарын кеңітеді - дейді. Тұрғындар саялайтын орындар көбейіп, қала келбеті одан әрі келісе түседі деп сендіреді олар. Облыс орталығанан алынған биіктігі 80 см болатын темір қоршаулар басқа қаделерге жаратылмақ. Материалдар аудандарға жөнелтіліп, елді мекендердегі агроқұрылымдарда қолданылатын болады. Бастама туралы оралдықтар пікірі екі ұшты. Жастар бұл жаңашылдықты қолдаса, шаһардың егде тұрғындары бұл қоршаулардың қалаға қажет екендіктерін айтады. Ал, абаттандыру жұмыстары көп кешікпей басталады. Жоспар бойынша қоршауы алынған көше бойларына түрлі компазициялық туындылар қойылып, шағын гүлзарлар пайда болады дейді осы іс-шараны жүзеге асырушылар. Ал, аталған жұмыстарды қала бюджеті қаржыландырады.

Темірболат Шәкіржанов, Орал қалалық сәулет және құрылыс бөлімінің басшысы:
- Жұмыс қала абаттандыру шаралары негізінде жүзеге асатын болады. Яғни болашақта жаяу жүргінші жолағына қоса, веложолақта пайда болмақ.

Бұл бастама әсіресе қалалықтар үшін тосын сыйға айналмақ. Аталмыш жолақ пайда болатын болса, қоғамдық көлік бағыта да өзгеретін болады.

Абаттандырудың кемшін тұстары. Орал қаласының Солтүстік-Шығыс ауданының тұрғындары өз аулаларын абаттандырған мердігерлер жұмысына көңілдері толмай отыр. Биыл қалада 29 ауланы абаттандыруға 500 млн. теңге бөлінген болатын. Арна тілшісі атқарылып жатырған жұмыстар барысымен танысып, тұрғындардың жан айқайын тыңдап қайтты.

Солтүстік-шығыс ауданы 23 және 21ші үйлердің ауласы биылғы жылы жоспарланған 29 ауланың қатарына еніп, абаттандырылған. Бұл жерде жұмыс бір ай бұрын басталған екен. Тұрғындарға мердігерлердің тек жоба бойынша атқарамыз деген жұмысы ұнамай отыр.

Бұл ауданда тұратын мүмкіндігі шектеулі жандар көп екен. Олар жол төселеді дегенді естігенде ерекше қуанғандардың бірі. Алайда төселген жол тегіс емес, балабақша мен мектепке баратын жаяу жүргінші жолы қарастырылмағанына өкпелері қара қазандай.

Биыл 46 көп қабатты үй орналасқан ауланы абаттандыруға 500 млн. теңге жұмсалуы көзделген. Қазір жоспар 70 пайызға орындалыпты. Алдағы жылы тағы 25 алану абаттандыру күтіліп отыр.

Орал қаласында 346 тұрғын үй ауласы болса, оның 279-ы абаттандырылған.

Бұл жөнінде тұрғын үй коммуналдық шаруашылығы және тұрғын үй секторы бөлімінің басшысы мәлімдеді. 10 мыңдай халық қоныстанған аумақта жаяу жүргінші жолдары салынып, орындықтар және қоқыс жәшіктері қойылып, балалар мен ересектерге арналған алаңқайлар орнатылмақ. 3 жылдың ішінде шаһарымыздағы барлық аулаларды абаттандырып шығу көзделуде.

Ағымдағы жылы жоспар бойынша 29 алаң абаттандырылуы тиіс. Бұл алаңдар 46 тұрғын үй маңыда орналасқандықтан тұрғындар жолдар мен алаңдардың ортақ қолданыста игілігін көре алады. Жалпы шаһарымызда 386 аула аумағы болса, қазір оның 279-ы қалыпқа келтірілген. Теректер отырғызылып, асфальт төселген, орындықтар мен алаңдар орнатылған. Еуразия даңғылы бойындағы 105 және 107 мекен-жайларындағы тұрғын үйлер аулалары осы санатқа еніп отыр.

Қаламызда жөндеуге мұқтаж аулалардың бірі -Жуков 9 мекен-жайында орналасқан. Аулаларды абаттандыруға биылғы жылы 400 млн. теңге қаражат бөлініп отыр.

Бұл жөнінде тұрғын үй коммуналдық шаруашылығы және тұрғын үй секторы бөлімі мәлімдеді. Қазіргі күні нысандарда дайындық қызу жүріп жатыр. Айта кетейік, бұл орайда қала тұрғындары жазғы уақытта халық сейіл құратын тынымбақтар мен саябақтардың тазалығы, абаттандырылуына құзырлы орындар көбірек көңіл бөлсе деген базыналарын жеткізіп отыр.

Тұрғындардың абаттандыру жөніндегі өтініші Ремзауыт ауданындағы Чернобыль атом электр стансасындағы апатты жоюға қатысқандар мен ардагерлердің құрметіне арнап ескертіш орнатылған тынымбаққа қатысты. Бұл тынымбақ 3 жыл бұрын қолданысқа берілген болатын. Монументті тұрғызуға 150 млн. теңге бөлінген. Қараусыз қалған тынымбақ жанданып, субұрқақтар, тас төсеніштер, шамдар мен орындықтар пайда болғанда жергілікті тұрғындардың қуанышында шек болған жоқ. Ал қазір олар тынымбақ күтімсіз қайтадан қараусыз қалады ма деп қауіптеніп отыр.

Шаһарымызда 28 тынымбақ пен саябақ бар. Олардың тазалығы мен күтімі "Жайық таза қала" ЖШС қызметкерлерінің міндетіне кіреді. Бірақ олар жұмысшылар үлгірмей жатыр. Міндетті орындауға тырысып жатырмыз,- деп жауап қатты. Ал қаладағы субұрқақтардың жұмысына тоқталар болсақ, алдағы ай да тұрғын үй коммуналдық шаруашылығы бөлімі барлық субұрқақтар іске қосылады деп мәлімдеп отыр. Жаздың жайма шуақ күндерінде облыс орталығындағы халық жиі жүретін демалыс орындары көркіне көрік қосып, гүлдене түседі деген үміттеміз.