Өткен жылы бір аптада үш көлік алып қашқан Николай Керцман өз қателігінен  сабақ алып, заңға қайшы әрекет жасамауға уәде берді. Ол үшінші сыныпты бітірді. Коляның әкесі баласы тәртібін бұзбаса алдағы туған күніне велосипед сатып алуға уәде берді. 8 маусымда  Николай 9 жасқа толады. Бұл күнді балдырған асыға күтуде. Өйткені, атасы мен әкесі оның жағымды мінезі мен жақсы сабақ үлгерімін көрсеткені үшін өзі қалаған сыйлықты алып беруге уәде берген. 3 сыныпты ойдағыдай аяқтаған Николайдың ұстаздары баланың бойынан жақсы қасиеттерінің ояна бастағанын айтады.  Оқу жылы аяқталған соң ол, үй шаруасына қолғабыс етіп жүр. Николайдың әкесі Александр  болса алдағы оқу жылында  ұлы қайтадан білімін сыныптастарымен бірге жалғастыратына қуанышты. Естеріңізге сала кетеміз, өткен жылы Керцмандар отбасы төрт көлік иесіне келтірілген шығынды өтеу қажет боолды. 6 тамызда 2-сынып оқушысы Suzuki көлігін айдап әкетіп, жол жиегінде тұрған Lada Granta-ға соқтыққан. 9 тамыз күні Коля Toyota шағын автобусын ұрлап әкетіп, көпір бағанына ұрынды. 12 тамыз күні бала тағы бір көлікті – Hyundai-ды мініп қашқан. Бетон бөгетке соғылып, оқиға орнынан тайып тұрған. Баласы кәмелетке толмағандықтан шығынды әкесі өтеді. 2019-2020 оқу жылында Николай өзі оқитын 26 ЖББОМ қайта білімін жалғастырмақ. Титімдей болса ұл бала өз қателігінен сабақ алғанын айтады. Деседе автокөліккее деген махаббаты әлі де ерекше көрінеді. Ер жеткен соң, өзінің жеке көлік жөндейтін орнымды салғым келеді дейді Николай.

Орал қаласында өзгенің темір тұлпарына әуес 9 жасар бала Николай тағы да бір азаматтың авто көлігін рұқсатсыз айдап кетті. Бұл осы аптаның ішінде тіркеліп отырған екінші жағдай. Бірінші рет жасөсіпірім Suzuki көлігін ұрап, Ладой-Гранта көлігіне түйіскен болатын. Енді иесінің көзін ала беріп, "Тойота" маркілі шағын автобусты тізгіндеп қашып, көпірге соқтығысқан.

9 тамыз күні сағат 22:39-да патрульдік полицияға Хамза Есенжанов көшесінің бойындағы "Теремо"к дүкені маңында автокөліктің ұрланғаны жөнінде қоңырау түскен. Жүргізушінің кілтті көлікте қалдырып, досымен сөйесіп тұрғанын пайдаланып 9 жасар Николай тізгінге отырған. Мына кадрлар Омега ауданында бала қолға түскен мезетте түсірілген. Жедел іздестіру жүргізген полиция тез арада қолды болған темір тұлпарды тауып, жүргізуші орнында кішкентай бала отырғанын анықтайды.

9 жасар Николай мұндай қадамға досы Никитаның өтінішін орындағысы келгендіктен барғанын айтады. Баланың жас ерекшелігіне байланысты қылмыстық іс қозғалмайды. Жәбірленуші де ешқандай талабы жоғын айтыпты. Ал ата-анасының үстінен ҚР әкімшілік кодексінің 127-бабы бойынша іс қозғалып, жауапкершілікке тартылмақ. Баланың ата-анасы БАҚ өкілдерімен кездесуден бас тартты. Көршілері бұл отбасы жөнінде жағымды пікірде. Естеріңізге саламыз, 6 тамыз Николай Сузуки маркілі көлікті айдап кетіп, жол көлік оқиғасына тап болған еді.