Суға шомылу маусымы басталысымен жағымсыз статистика да шыға бастайды.
Биыл елімізде шомылу маусымы басталғалы балалардың суға кетуі жиілеп отыр. Ағымдағы жылы шомылу маусымы басталғанган бері 70 адам суға кетіп, ажал құшты. Оның 30 балалар. Өткен жылы 83 адам суға кетіп қайтыс болған. Биыл суға кеткен баланың саны өткен жылмен салыстырғанда көп. Суға кеткен балалардың дені қараусыз қалған немесе рұқсат етілмеген жерде шомылған. Ал шомылу маусымының әлі 1,5 айға жалғасатынын ескерсек, суға түсу қауіпсіздігін ұмытпаған жөн болар.

Құтқарушылардың айтуынша, елімізде судағы қауіпсіздікті сақтамағаны үшін әкімшілік жауапкершілікке тартылғандар саны 7 есе артқан. Төтеншеліктер құзырлы органдармен бірлесіп су айдындарында қауіпсіздікті қамту және өлімнің алдын алу мақсатында 40 мыңға жуық рейд пен патрульдеу жүргізілді деп отыр. Нәтижесінде су айдындарындағы қауіпсіздік қағидаларын бұзу немесе орындамағандар, ішімдік ішіп алып суға түскендер, анықталды. Жыл басынан бері заң бұзушыларға жалпы сомасы 62 млн 608 мың теңгеден асатын сомадағы айыппұлға 9 мыңға жуық хаттама толтырылған. Рұқсат етілмеген жерлерге барып шомылатындар көп.

Ал су айдындарында құтқарушылар саны жеткілікті ме деген сұрақ туныдайды. Ахметжановтың айтуынша, тұрғындары миллионнан асатын қалаларда шамамен 100-150 құтқарушы бар. Олар жаз айларында ғана емес, барлық маусымда, төтенше жағдай туындағанда құтқарумен айналысады. Бүгінде елімізде 85 мыңнан астам өзен мен 48 мың көл бар. Барлық жағажайға құтқарушыларды қою мүмкін емес.