Оралда орналасқан Ұлттық ұланның «Батыс» өңірлік қолбасшылығының 5517 әскери бөлімінде Ақтаудан келген ағайынды үшем мерзімді әскери қызметін атқарып жүр. 18 жасар үшем Ақарыс, Бекарыс және Жанарыс Зеккеновтер осы жылдың көктемінде құқықтық тәртіп әскерінің қатарына шақырылған. Ағайынды Зеккеновтер дүние есігін ашқалы бері әрқашан бірге. «Болашақ» академиясының колледжін «Су көлігін пайдалану» мамандығы бойынша бітіргеннен кейін балаларды мерзімді қызметке шақырған. Сол кезде де олар ажыратпауды өтінген. Оған жергілікті қорғаныс істер департаменті қол ұшын созып, бір әскери бөлімге жіберді. Үшем психологиялық тест тапсырған кезде олардың түр-әлпеті бір-біріне сәйкес келді.Ағайындылардың өздері бұған үйреніп қалған. «Алайда бір айырмашылық бар: Ақарыстың бойы екі бауырынан төрт сантиметрге ұзын – 178 болса, Бекарыс пен Жанарыстың бойы - 174 сантиметр. Алайда бұл ағайындылардың дене шынықтыруда бірдей нәтиже көрсетуіне кедергі келтірмейді. Олар әскерге дайындалу барысында арнайы спортпен шұғылданып, 100 м және 3 шақырымға жүгіруде және бел темір тартылуда бірдей көрсеткіш көрсетті. Үшеуі де спортпен айналысады. Ақарыс пен Бекарыс тоғыз жасынан бастап «каратэ-до» спорт секциясына қатысқан. Сол уақыт ішінде ағайындылар «каратэ-до» бойынша облыстық және қалалық спорт турнирлеріне қатысып, бірнеше рет жүлделі орындарға ие болды. Ал Жанарыс самбо күресінен спорт шеберінің кандидаты.«Ұлттық ұлан әскерлеріне мерзімді қызметке қазір шынымен де үздік жастар келеді, - дейді 5517 әскери бөлімінің мамандары. Қазір ағайынды үшем Орал қаласында қоғамдық тәртіпті және қоғамдық қауіпсіздікті қорғау қызметін мінсіз, абыроймен атқарып келеді». Отан алдындағы әскери борышын аяқтағаннан кейін ағайынды Зеккеновтер туған қаласы Ақтауға оралады. Содан кейін олар жоғары білім алып, заңгер мамандығын меңгеруді, ішкі істер органдарына жұмысқа орналасуды жоспарлап отыр.

Қазақстанның Қарулы Күштері – офицерлер, сержанттар мен сарбаздардың әскери борышына адал және өз ісіне шын берілген үлкен ұжымы. Соңғы жылдары темірдей тәртіп орныққан осынау салада сыбайлас жемқорлық әрекеттері жиі байқалауда. Құқық бұзушылық мемлекеттік сатып алуды жүргізу, әскери оқу орындарына түсу, келісімшарт бойынша әскери қызметке қабылдау және қызметі бойынша ілгерілету, құқық бұзушылық жасағаны үшін жауапкершіліктен босату кезінде ақша жинау және пара алу әрекеттері жиі байқалады мыс. Биылғы жылы ҚР Ұлттық ұланның «5517 әскери бөлімі» -нің лауазымды бірқатар тұлғасы пара алғаны үшін сотталды. «Батыс Қазақстан облысының сыбайлас жемқорлыққа қарсы қызметі ҚР Ұлттық ұланының «5517 әскери бөлімі» бөлім командирінің тыл жөніндегі орынбасары, майор Ж.М.Омаровқа және аталған мекеменің киім-кешек қызметі бөлімінің бастығы лейтенант Т.Б. Қыдыров жеке компания директорынан орындалған жұмыстар актілеріне кедергісіз қол қойып,алдағы уақытта да көрсететін көмегі үшін 300 мың теңге көлемінде пара алған. Бүгінгі күні Сыбайлас жемқорлыққа қарсы іс-қимыл туралы заңнаманың орындалуын бақылау жөніндегі жөніндегі комиссияның жұмысына ерекше назар аударылып,  әрбір әскери қызметшіге «бюджет қазынасына» және қызметтесінің «қалтасына» қол сұғудың қылмыс екенін насихаттайтын «мүлдем төзбеушілік» шаралары қарқынды ұйымдастырылуда. Ел азаматтарының бейбіт өмірін қорғай отырып, күнделікті ерен еңбегімен еліміздің қорғаныс қабілетін нығайтуға үлес қосып келе жатқан әскери қызметшілердің сыбайлас жемқорлыққа жол беру әрекеттері -бір ғана әскери гвардияға емес, елдігімізді айбынды етер Қарулы Күштерімізге сын тағары анық.

Оралдағы 5517 әскери бөлімінің қызметкерлері ҰОС ардагерін ерекше жағдайда құттықтады. 105 жасқа толып отырған  Семен Данилин Курск иінінде болған сұрапыл шайқастың алдыңғы шебінде болды. Украина мен Польшаны азат етуге де атсалысты. Азаттық жолында жанын аямаған ардагер төсек тартып жатса да әскери сала қызметкерлерін көргенде жанарынан от жанып, қарсы алды. Ұлттық ұлан ардагері Семен Данилин биыл 105 жасқа толып отыр. Бөлім қызметкерлері бүгінде жүріс-тұрысы қиындаған қарияның үйінің ауласына келіп, әскери оркестрдің сүйемелдеуімен соғыс кезіндегі әндерді шырқады. Қарияның көңілін көтеруге сардарлардың балаларынан құралған хор ұжымы да атсалысты. Жорық жолын Днепропетровскідегі минометшілер полкінің құрамында бастаған Семен Данилин кейін Сталинград майданына қатысты. Курск иінінде болған сұрапыл шайқастың алдыңғы шебінде болды. Украина мен Польшаны азат етуге де атсалысты, ал жеңісті Берлинде қарсы алды. Ардагер өзіне құрметтеп келген әскери бөлімнің қызметкерлеріне алғысын жаудырып, бүгінгі ұрпаққа тек бақытты өмір тіледі.

7 мамыр Отан қорғаушылар күні және Ұлы жеңістің мерекесіне орай 5517 әскери бөлімінде ашық есік күні өтті. Салтанатты шараға Ұлы Отан Соғысының ардагерлері, әскерилер мен қала тұрғындары қатысты.

5517 әскери бөлімінде қос мерекенің қарсаңында ашық есік күні ұйымдастырылды. Әскерилер айтулы шараға тыңғылықты дайындалып, бұқара халықтың назарына әскери техникалар мен мылтықтардың алуан түрін ұсынған. Биыл әскери көліктер "Урал ВВ" атты темір тұлпармен толыққан. Жаңа көлік толықтай брондалыпты. Ол 17 адамға арналған. Темір тұлпар жолсызбен тіпті, батпақты да кешіп өте алады. Техника Ресейдікі. Шарада әскери көліктен бөлек, жауынгерлердің түрлі киім формалары мен қызметтік төбеттерді де көрсетілген еді.

Салтанатты шара сөз алған облыс әкімі Отан қорғаушылар мерекесінің тарихына толықталып, азаматтарды мерекемен құттықтады.

Шара барысында жауынгерлер қару мен түрлі дайындығын көрсеттіп, бұқара халықтың ықыласына бөленді.

Қос мереке қарсаңында қызметін мінсіз атқарған әскерилер "Мінсіз қызметі үшін" 1-,2-,3- дәрежелі медальдарымен марапатталды.

№5517 әскери бөлімінің жас сарбаздары елін, Отанын адал қорғауға салтанатты түрде ант қабылдады. Атаулы рәсімге еліміздің 6 облысынан ат терлетіп сарбаздардың ата-аналары да келді. Сонымен, сағат тілі 10-ды көрсеткенде бөлімнің жеке құрамы алаңда сап түзеді. Бауыр еті балалы үшін маңызды шараға алыстан арнайы келген ата аналар өз қуаныштарын жасырмады. Олардың ендігі арманы ұлдарына жүктелген борыштың абыройлы атқарылуы.Ресми түрде сарбаз атағын аталған 161 ұлан енді елін қорғамақ. Алда әлі бір жыл қызмет күтіп тұр. Жігерлі жастардың міндеттері де айқын. Мерекелік митингтен кейін жас жауынгерлер саптық, қолма-қол ұрыстың көрсетпелі жаттығуларын көрсетіп, бөлімнің үрмелі-аспаптар оркестрі де өз өнерін паш етті.

5517 әскери бөлімінің оркестрі Астананың 20 жылдық мерей тойына арналған мерекелік концерт ұйымдастырды. Мерекеге орай әскерилер облыстық «Ақжайық» шипажайының демалушыларына арнап өнерлерін ортаға салды. Бұл шарада 2016 жылы Ақтөбедегі қанды оқиғада ерлікпен қаза тапқан әскери қызметкердің анасы да қатысты.

2016 жылдың 5-ші маусымында Ақтөбедегі қанды оқиға еліміздің қабырғасын қайыстырғаны мәлім. Сол кезде қанды қол қылмыскерлерге тойтарыс берген кіші сержант Берікжан Қалиев өз өмірін қатерге тігіп, ерлікпен қаза тапты. Бүгінде батыр ұлды дүниеге әкелген анасы, Қазақстандқтардың қошеметіне бөленіп жүр.

5517 әскери бөлімінің оркестрі 1995 жылдан бері жұмыстанып келеді. Жақында аталмыш оркестр Астанада ұйымдастырылған халықаралық додада жеңімпаз атаныпты. Олар бүгінгі таңда, филармония музыканттарымен бірге түрлі өнер туындыларын орындап,  мерекеге орай көрерменге тарту жасауда.

Шарада орындалған әндердің баршасы бейбіт күнде ел тыныштығы үшін Ақтөбедегі терактіде опат болған жандардың құрметіне шырқалды.

Қазақстан Республикасының Ұлттық ұланы 5517 әскери бөлімінің аумағында "Ұлттық ұлан-нағыз ерлер үшін" атты акция ұйымдастырылды. Аталмыш шараға облыс орталығында білім алып жатқан колледж студенттері, мектеп оқушылары арнайы шақырылған болатын. Жиынға қызығушылық танытқан оқушылардың саны 200-ден асып жығылады.