Бүгінде елімізде 4,5 млн адам баспанасыз жүр. Қолжетімсіз баспана, пайызы шарықтаған ипотека көптеген адамның қолын байлап отыр. Үй алу арман болған. Ал жылда баспананың бағасы шарықтап жатыр. Несиеге үй алғандар, оны жөндету үшін тағы да несие алып, қарызға белшеден батуда. Оның үстіне үлескерлер проблемасы бар. Депутат Таудың айтуынша, елдегі мыңдаған салымшы сақалды құрылыстан зардап шегіп отыр. 2023 жылы Қазақстандағы үлестік құрылыстың көлеңкелі нарығының үлесі шамамен 70% құрады. Соның бір мысалы, Алматы облысындағы екі жылдан бері үйлеріне кіре алмай отырған 200 отбасының дау-дамайы. Депутат ханым бұл мәселенің шешімін табу үшін құрылыс саласына «эскроу-шоттар» ұғымын енгізуді ұсынды. Құрылыс компаниясы объектіні пайдалануға бергенге дейін салымшылардың қаражаттары арнайы «эскроу-шоттарда» сақталады. Құрылыс компаниясы шартты бұзған жағдайда, салымшы ақшаны шешіп ала алады. Бұл үлескерлердің алданып қалмауына мүмкіндік берер еді.

Баспана нарығындағы тағы бір проблема- жалдамалы пәтер құны. Таудың мәліметінше, елімізде 2 миллионнан астам азамат пәтер жалдап тұрады. Олардың біраз бөлігі студенттер. Ал пәтерді жалдау бағасы күннен-күнге шарықтап жатыр. Бұл орайда депутат пәтерлерді жалға беру және алу нарығын реттеуді ұсынады. Ол пәтерлерді жалға беру бағасының шектік арасын айқындап, жалға алу және беру шартының типтік жобасын бекіту қажет деп есептейді.

Ал үкімет қабылдап, енгізіп жатқан қолжетімді баспана туралы бағдарламалар көптің мәселесін шеше алмай отыр.

Бүгін Орал  қалалық сотында облыстың денсаулық сақтау басқармасының экс басшысы Болатбек Каюповке үкім оқылды. Оған аса ірі көлемдегі пара алды деген айып тағылған болатын.  Естеріңізге сала кетеміз Б. Каюпов өткен жылдың күзінде 7 млн 800 теңге пара алды деген күдікпен қамауға алынған болатын. Облыстық денсаулық сақтау басқармасының бұрынғы басшысы Болатбек Каюпов өткен жылы коронавирустық инфекция пандемиясының өршуі кезінде «ОралМед»ЖШС медициналық жабдықтарды жеткізушіден 12-23 қазан аралығында жасалған мемлекеттік сатып алу туралы шарттар бойынша орындалған жұмыстар мен материалдық құндылықтарды қабылдау актілеріне кедергісіз қол қою үшін жалпы сомасы 7 800 000 теңге пара алған. Ал ЖШС-мен бұрын жасалған мемлекеттік сатып алу туралы шарттардың жалпы сомма 78 000 000 теңге. Каюпов ҚР Қылмыстық іс жүргізу кодексінің 366-бабының 2-бөлігі бойынша айыпты деп танылды. Үкім БАҚ өкілдерінің қатысуынсыз өткенімен, Орал қалалық сотының судьясы Найля Жүнісова  кесілген жазаны түсіндіріп берді. – Айыпты Болатбек Каюповқа  4 жыл алты айға бас бостандығынан айыру туралы жаза кесілді. Ол жазасын қылмыстың атқару жүйесінің қауіптілігі барынша төмен түзету мекемесінде өтейтін болады. Ал оның сыбайластары Айдос Себепов пен Серік Тұралиев ҚК 28-бабының 5-бөлігі, 366-бабының 2-бөлігі пара алуда делдалдық жасағаны үшін кінәлі деп танылып, 3 жылға бас бостандығынан айыру жазасы кесілді,- деді судья Найля Жүнісова. Ал айыптылардың қорғаушысы Тамара Сәрсенова бұл үкіммен келіспейтінін жеткізді. – Біз бұл үкіммен келіспейміз. Қорғауымдағы азаматқа жала тағылып отыр. Өйткені Болатбек Амангелдіұлының атынан өзге  белгісіз біреу келсіссөзге келген. Бұл әлі де болса құқығымызды қорғау үшін жұмыстанамыз. Мемлекеттік қызметкер ретінде Каюпов ешқандай пара алмаған,– деді ол. Сонымен қатар денсаулық сақтау басқармасының экс басшысы  Каюпов өмір бойы мемлекеттік қызметте жұмыс жасау құқығынан айрылды. Алайда жазасын өтеген соң, медицина саласында еңбек етуге мүмкіндігі бар. Үкім әлі заңды күшіне енген жоқ.