Орал қаласында "Жұмыспен қамту-2020" бағдарламасының аясында №33 мектептің құрылысы басталған болатын. Қазіргі таңда құрылысы нысанында жұмыс қарқынды жүзеге асып жатыр. Ет комбинаты ауданында орналасқан білім ошағында 400-тен астам оқушы білім алады. Оқушылар мен педагогтар 2016 жылдан бері қабырғасы қақырап, шатырынан су кетіп, қыста салқын болатын мектепте білім алып келді. Биыл қаңтардан бастап тозығы жеткен мектеп сүріліп, орнына жаңа нысанның құрылысы басталды. Мердігер компания жұмысты желтоқсанда аяқтаймыз деп отыр.

Қазіргі таңда Ет комбинаты ауданында орналасқан 300 орындық мектептің құрылысы жүріп жатыр. Құрылысшылар нысанның іргетасын құйып, қабырғасын қалау үстінде. Нысанда 85 адам жұмыстануда. Қызметкерлердің 23-ші жұмыспен қамту орталығы арқылы екі қолға бір күрек тапқан. Мердігер компания өкілдері жұмыс жасауға адам жетіспеушілігі мен құрылыс материалдарын жеткізу қиынға соғып отыр. Ол өз кезегінде құрылыстың қарқынына зиян тигізуде,-дейді.

Құрылыстың сапасын педагогтардан және ата-аналардан құралған комиссия да бақылап отыр.

Жалпы №33 мектепте 400-ден астам оқушы білім алады. Жаңа мектептің құрылысы басталған кезде барлық оқушылар мен ұстаздар №2 -мектепте білім алуын жалғастырған.

№33 мектептің құрылысы биыл желтоқсанда аяқталмақ. Құрылыс жұмыстары үшін қазынадан 1,7 млрд теңгедей қомақты қаражат бөлінген.

Оралда оқушылар апатты жағдайдағы №31 орта мектепте білім алып жатыр, 380 орынға есептелген ғимарат 1961 жылы салынғаннан бері күрделі жөндеу көрмеген.Техникалық сараптамаға сәйкес өткен жылы апатты жағдайда деп танылған мектепте қазіргі таңда 410 оқушы екі ауысымда білім алуда. Биылғы 24 қазан күні химия кабинетінде төбеден сылақ құлап түскен. Абырой болғанда, оқушылар алдыңғы жақта отырғандықтан, ешкімнің үстіне құламаған. Төбе сол бойда қайта сыланғанымен, мұндай жағдайдың қайталанбасына кепілдік беру қиын. Қаланың бұл ауданында болашақта халық көбеймесе, азаймайды. Жуырда тоғыз қабатты екі үй пайдалануға берілмек. Ш.Айталиев атындағы көшеде үш бірдей бес қабатты үйге тұрғындар қоныстанып үлгерді. Сондықтан мектепте оқушылардың саны азаймасы анық.Мұнда апатты ғимаратты бұзып, орнына 400 орындық мектеп салу көзделген. Бұзу және салу жұмыстары кезінде оқушылар №32, №34 және №23 мектептерде бөлініп, білім алмақшы.Қалада апатты жағдайдағы мектеп бір бұл ғана емес. №33 мектепте оқитын 401 бала күні бүгін №2 мектепте білім алуда. Ескі ғимараттың орнына 300 орындық жаңа мектепті салудың жобалық-сметалық құжаттамасы (ЖСҚ) жасалып, мемлекеттік сараптамадан өткен.Облыстық дарынды балаларға арналған мамандандырылған №8 мектептің 483 оқушысы қазіргі таңда №37 орта мектепте білім алуда. Бұл мектептің жаңа ғимаратын салу үшін жобалық-сметалық құжаттама жасауға бюджеттік өтінім жолданған.Облыстық құрылыс басқармасы  мамандарының нақтылауынша, №31 мектеп ғимаратының ЖСҚ-сы мемлекеттік сараптамадан өткеннен кейін алдағы жылы қаржыландыру мәселесі қаралатын болады. Құны 1,3 млрд теңге болатын №33 мектеп ғимаратына 2020 жылы әуелі 230 млн теңге бөлініп, құрылысы басталмақшы. Ал №8 мектептің ЖСҚ-сын жасақтауға әзірге қаржы бөлінбеген.Тағы бір түйткілді мәселе – облыста үш ауысымда оқитын мектептердің азаймай отырғаны. Оралда №47, №10, №20, №18, эстетикалық бағыттағы гимназияда және Теректі ауданы Подстепный қазақ мектебінде 9486 оқушы бар. Бұл мәселені шешу үшін 4 мың орындық алты мектеп салу қажет. Соның ішінде әзірге қалада №51 мектеп ғимаратына ел қазынасынан 1 млрд теңге қаралып, құрылысы басталды.