Театр директоры уақытша қамауда. Шаһарымыздағы Хадиша Бөкеева атындағы қазақ драма театрының директоры Қуаныш Амандықов ішімдік ішіп жол апатына себепші болды деген дерекпен 20 тәулікке қамауға алынды. Жол көлік оқиғасы 16 шілдеде шаһар көшелерінің бірінде болған. «Porsche Cayenne» көлігін тізгіндеген театр басшысы бағдаршамада тұрған қос бірдей көлікті соққан. Медициналық сараптама нәтижесінде театр директорының жеңіл дәрежеде мас болғаны дәлелденді. Тәртіп сақшылары Амандықовтың бұған дейін де көлік жүргізу құқығынан айрылғанын айтады.