Бәйтеректік 4 баланың анасы азаматтық некедегі жолдасын 24 жерден жерден пышақтап өлтірді. Ол енді осы әрекеті үшін 10 жыл басбостандығынан айрылды. БҚО қылмыстық істер бойынша ауданаралық мамандандырылған сотына жолданған іс алты айға жуық қаралып, үкім шығарылды. Қайғылы оқиға биылғы жылдың 10 сәуірі күні Бәйтерек ауданы Железнов ауылында кешқұрым орын алған. Істің мән-жайына тоқталар болсақ, Башарова мен оның азаматтық некедегі жұбайы Евгений Скипин 9 сәуір күні ішімдік ішеді. Олардың бұл әрекеті ертесіне тағы жалғасып, 10 күні ерлі зайыптылар арасында жанжал туындайды. Дау-дамайдың аяғында Башарова Скипинге 24 мәрте пышақ сұғып, марқұмның денесін үй ішіндегі жертөлеге жасырған. Евгенийден еш хабар ала алмаған туыстары учаскелік инспекторларға шағымданады. Өз кінәсін мойнына алғысы келмеген айыпты азаматша бастапқыда жалған сөйлеп, жағдайды бұрмалауға тырысады. Дегенмен полицейлердің күдігіне іліккен әйел өз ісін мойнындайды.
Кісі қанын мойнына жүктеген айыптының 4 баласы бар. 3 баласы алдыңғы некедегі азаматтың, ал кенжесі Скипиннің баласы. Алдыңғы екі бала әкелерінде тәрбиеленуде. Ал 3-ші және 8 айлық сәби бүгінде Бәйтерек аудандық балаларды бейімдеу орталығында уақытша паналуда. Олардың тағдырларын қазір құзырлы мекеме мамандары қарауда. Сондай-ақ көк көзді келіншек жазасын өтеу барасында маскүнемдіктен мәжбүрлі түрде емделетін болады. Сот үкімі әлі заңды күшіне еңген жоқ.

Бүгін БҚО қылмыстық істер жөніндегі мамандандырылған ауданаралық соты ішімдік ішіп рөмкелесін өлтірді деп айыпталған Берік Супуғалиевке үкім шығарды. Судья Бақыт Ермахановтың баяндағанындай, оқиға үстіміздегі жылдың 2- ші сәуірінде Бөкейордасы ауданындағы Бөрлі ауылына қарасты «Қажығали» қыстағында болған. Бүгінде күдікті Супуғалиев пен марқұм Шамғонов бірігіп ішімдік ішіп, кейін әңгімелері жараспаған екеуі дауласады. Өзін балағаттағанға шыдамаған Супуғалиев Шағоновтың мойынан бірнеше жерден пышақ сұғып, салдарынан Шамғонов оқиға орнында көз жұмды. Ауыр қылмысқа барған айыпты енді өмірінің 10 жылын темір торда өтейтін болады.– Супуғалиевке ҚР ҚК  99 бабы 1 бөлігімен 10 жылға бас бостандығынан  айыру жазасы тағайындалып отыр. Сонымен қатар ол, жәбірленушінің пайдасына яғни  марқұмның апасы Ғұсмановаға - 1 млн 500 мың теңге өтемақы төлейтін болады. Сот үкімі әлі заңды күшіне енген жоқ деді, – судья Бақыт Ермаханов.