Ақтөбе облысында 1,1 трлн теңгенің бірнеше жобасы жүзеге асырылатын болады. Бұл жайында әкімі Ералы Тоғжанов елордада өткен брифингіде айтты. Өңірдің ірі инвесторы ERG компаниясы дөң тау-кен байыту комбинатында жиналған шламдарды қайта өңдеу, утилизациялық жарату станциясы, медицина саласын дамыту сияқты аймақ үшін маңызды жобаларды жүзеге асырмақ. Сондай-ақ, әкім 7,3 мыңнан астам жұмыс орындарын құруға мүмкіндік беретін 16 жоба іске асатынын айтқан еді. Ақтөбе облысындағы автожолдар мәселесі, газ тарту, сапалы сумен қамту, ауыл шаруашылық саласындағы кәсіпкерлікті дамыту, мектептер салу, ауылдың әл-ауқатын көтеру мәселелеріне қатысты да жобалар жүзеге асатынын мәлімдеді.

Жылдағыдай облыс және мегаполис қалалардың әкімдерінің дәстүрлі брифингі бастау алды. Алғашқы болып бұл үрдісті Ақтөбе облысының әкімі Ералы Тоғжанов бастады. Астанаға ат басын тіреген әкім өңірдің әлеуметтік-экономикалық даму барысын баяндады. Тоғжанов өңірдің ірі инвесторы ERG компаниясының қатысуымен 1,1 трлн теңгенің жобалары жүзеге асатынын айтты. Дөң тау-кен байыту комбинатында жиналған шламдарды қайта өңдеу, утилизациялық жарату станциясын салу, медицина саласын дамыту сияқты тағы басқа да аймақ үшін маңызды жобалар жүзеге аспақ. Ағымдағы жылдың 4 айында Ақтөбе облысында тұрақты макроэкономикалық жағдай сақталуда. Орташа айлық жалақы 291 мың теңгеге жетті. 2023-2025 жылдар аралығында 7,3 мыңнан астам жұмыс орындарын құруға мүмкіндік беретін 2,8 трлн теңгеге 16 маңызды жобалар іске асырылмақ. Биылғы жылы 50,5 млрд теңгеге 848 шақырым жергілікті маңызы бар автожолдар жөнделіп, салынады. Осылайша жергілікті маңызы бар жолдардың үлесі 78% құрайтны болады дейді әкім.

Өңірде қолға алынып жатқан жобалардың бәрі италиялық технология негізінде қой жүнінен жылу сақтайтын материал өндіретін зауыт салынбақ.

Облыста әлі күнге едйін газға қол жеткізе алмай отырған ауылдар да жоқ емес. Әкім Тоғжановтың айтуынша 60 ауылға газ тарту үшін қомақты қаржы қажет.

Сондай-ақ, Ақтөбе қаласында жылына 1,6 млрд текше метрді құрайтын газ дефициті орын алып отырғанын айтты Тоғжанов. Қыс мезгілінде қолданыстағы магистральдің газ жүктемесі 175%-ға дейін жетеді. Бұл мәселені шешу үшін 43,4 млрд теңгені құрайтын «Бұхара- Орал» газ құбырының үшінші желісінің құрылысы бастау алды. 2023 жылы мемлекеттік бюджеттен бұған 11,1 млрд теңге бөлінді. Халықтың әл-ауқатын көтеріп, шағын бизнесті дамыту үшін Ақтөбе облысында 2,5 пайыз жеңілдікпен несиелеу бағыты бойынша жалпы сомасы 3 млрд теңгеге 776 отбасының жобалары мақұлданып, 3 мыңнан астам адам қамтылды. Сонымен қаржылық несиемен қатар 6 мың бас малды тауарлық несие ретінде беріп бастады. Тауарлық несие алынған төл есебінен өтеледі. Бүгінгі таңда 249 отбасына 3220 бас мал берілді, - дейді облыс әкімі Ералы Тоғжанов.