Коронавирус науқастың ағзасына айтарлықтай зиян келтіреді. Пациенттің инфекциялық стационардан емделіп шығуы - денсаулығының толық қалпына келгенін білдірмейді. Дәрігерлердің өзі де COVID-19 дертінен өткен адамға медициналық оңалту қажеттігін айтады. Осыған орай Орал қаласында коронавирус инфекциясына шалдыққан адамдарға арналған алғашқы оңалту орталығы ашылды. Оңалту орталықтары Оралдағы барлық емханалар жанынан құрылған. №1 емхана 70 мыңнан аса адамға медициналық қызмет көрсететіндіктен, оңалту орны емханадан тыс аумақта орналасқан. Күні бүгінге дейін 70 науқас оңалтудан өткен болса, олардың 30-ы балалар болып отыр.«Реабилитологтар мен емханалардағы мамандар науқастарды бағыттау шкаласын және балдық жүйе бойынша емдеу қарқындылығының қажетті деңгейін анықтайды. Орталық қажетті құрал-жабдықтармен жабдықталған. Мұнда кәсіби даярлықтан өткен білікті дәрігерлер жұмыс істеуде. Коронавируспен ауырған көптеген науқастарда әлсіздік, өкпенің зақымдалуына байланысты тыныс алудың қиыңдауы байқалады. Бұл дене тіндерінде оттегі алмасуының бұзылуына әкеледі. Қалпына келтіру әртүрлі жолдармен жүреді. Ең бастысы физикалық жаттығулар.
Орталықта қолданылатын физиотерапиялық емдеудің түрлі әдістерінің көмегімен құрысу жойылып, ісіну азаяды, тіндердегі қабыну және аутоиммунды реакциялар төмендейді, адгезиялардың алдын алады.Кәсіби қалпына келтіру шаралары аурудан және оның зардаптарынан толық айығудың кепілі болып табылады. Бұл оңалту орталығында коронавирустық инфекциядан қалпына келтіру шаралары - емдеу нәтижелерін бекітуге көмектеседі. Мұнда пациенттер тек оңалту ғана емес, сонымен бірге психологиялық көмек алады. Айта кету қажет №1 емхана емделушілерінің арасында 525-і коронавируспен ауырып емделіп шыққан. Ал өзге аудан тұрғындары үшін мұнда ақылы қызмет те көрсетіледі.

Елімізде КВИ-ге байланысты тұмау екпесі ертеңнен басталады. Екпе салу Алматы, Нұр-Сұлтан, Павлодар қаласында 10-шы қыркүйектен қолға алынды. Тұмауға қарсы екпені еліміздегі 2 миллион адам тегін салдырады деп жоспарланса, Батыс Қазақстан облысы халқының 10 пайызы вакцина алады деп күтіліп отыр. «Елімізде тәуекелдік топтар бар. Олар - созылмалы ауруы бар 18 жасқа дейінгі балалар, жүкті келіншектер, 60-жастан асқан қарттар мен жабық типті мекемелердегі адамдар. Яғни, балалар үйлерінің тәрбиеленушілері, қарттар үйінің тұрғындары мен медицина қызметкерлері. Оларға жұқпаға қарсы егулер міндетті түрде жасалады. Екпелерді олар өздерінің тұрғылықты жеріне қарасты емханалар мен басқа да медициналық орталықтарда жасатады. Ал өз еркімен екпе алғысы келетіндер үшін ақылы түрде екпе алу қызметі қарастырылған. Екпе бағасы 2100 теңгеден баасталып, 4200 теңгеге дейін жетеді.Орал қалалық №1 емхананың директорының орынбасары Руслан Бралов тұмауға қарсы екпенің КВИ-ден сақтануға тікелей көмегі болмағанымен, респираторлы вирус қозатын маусымда тұмаумен ауру жеңіл өтеді дейді.Айта кеткен жөн аталмыш емхана қаланың қақ ортасында орналасқандықтан мұнда емделушілердің саны 70 мыңнан асады. Олардың 10 пайызы екпе қабылдайтын болады.Емхана медбикелерінің айтуынша, ресейлік препаратты қабылдағандар арасында осы уақытқа дейін ешқандай шағым тіркелмепті.Айта кететін бір жағдай вакцина ем алып жүргендерге салынбайды. Дене қызуыңыз болмауы тиіс, яғни ЖРВИ белгілері жоқ тұлғаларға дәрігердің рұқсатымен ғана егіледі.

Мереке күндері Орал қаласындағы №1 қалалық емхананың шатырының тіреулері сынып, төбесі опырылып кетті. Әлеуметтік маңызы бар нысанның қауіпті аймағы бүгінде қоршалған. Сала мамандарының айтуынша емхана төбесі қалың қарды көтере алмай сынып кеткен. Оқиға 10 наурыз күні болған. Облыстық төтенше жағдайлар басқармасына емхана төбесінің опырылуы туралы хабарлама сағат 14.37 түскен. Барлығы 15 шаршы кв метр аумаққа залал келген. Деседе медициналық мекеме жұмысы әдеттегіше басталған. Төтенешілктердің айтуынша емхана шатыры үйілген қарды көтере алмай опырылыпты. Қаза тапқандар, зардап шеккендер жоқ. Келген шығын көлемі қазір есептеліп жатыр. Сондай-ақ төтеншеліктер қаладағы барлық мекеме-ұйым басшыларын төбедегі және ауладағы қарды өз күштерімен тазалауға шақырады. Айта кетейік, облыс территорясында 27 нысанның шатыры биылғы қарға шыдас бермей опрылып кеткен. Мамандардың айтуынша мұндай жағдай соңғы 5 жылда 1-ші рет болып отыр.

Сондай-ақ барлық азаматтарға арналған ашық есік күні ұйымдастырылып, балалар мен ата-аналарға мерекелік бағдарлама өткізілді. Бұл шаралардың барлығы еліміздің жүрегі-Астананың 20 жылдығына орай оздырылуда.

Елордамыздың 20 жылдығына арналған мерекелік шараға мүмкіндігі шектеулі балалар мен олардың ата-аналары қонақ ретінде шақырылған. Түрлі кейіпкерлер мен аниматорлар келушілерді емхана алдынан қарсы алып, көңілді бағдарламаларын ұсынды. Бұл жерде әр адам қан қысымын өлшеді. Балаларға тәттілер мен сусындар сыйланды.

Емхана заманауи жүйемен жұмыс жасауға көшкен. Цифрландыру және электронды кезек пен карталар қағазбастылықтан арылуға мүмкіндік туғызып отыр. Тағы бір жаңашылдық- бүгін ашылған жасөспірімдер кабинеті болды. 1-ші емханада 70 мыңдай адамға ем көрсетеді. Алға қойылған басты мақсат- сапалы медициналық қызметтің дер кезінде қолжетімділігін қамтамасыз ету.