Батыс Қазақстан облысында өндірісте ауыр жарақат алған азамат қажетті емнің ақысын өндіре алмай отыр. Жұмыс берушінің кінәсі ресми түрде 100 пайыз дәлелденген, ал бас реабилитологтың қорытындысында науқасқа әрі қарай мамандандырылған оңалту қажет екені көрсетілген. Соған қарамастан, Орал қаласының №2 соты талап-арызды қанағаттандырудан бас тартты. Қазір іс апелляциялық сатыда қаралуда. Толығырақ тілшіміз баяндайды.