0:00 / 0:00
"Бәйтерек" мүгедек балалар қоғамдық бірлестігіне Орал қалалық соты 200 мың теңге айып салу туралы қаулы шығарды. Осындай жауапкершілікке тартуға жалға алып отырған орындарының ақысын кешіктіруі себеп болған. "Бәйтерек" қоғамдық бірлестігінің басқарма төрайымы бұл шешіммен келіспейді. Сол себепті әділдік іздеп, парламент мәжілісі депутатына жүгініп, көмек сұрады. Парламент мәжілісінің депутаты бұл жайтты естіп, сот қаулысына таң қалғанын жасырмады. Сондықтан көмекке мұқтаж жандардың жағдайы неліктен ескерілмегенін біліп, мәселенің мән-жайын тексеруге сөз берді.
