Орал қаласында «Батамен ел көгерер» республикалық батагерлер байқауының облыстық кезеңі қорытындыланды. Іс-шара облыстық халық шығармашылығы орталығында өтіп, өңірдің түкпір-түкпірінен келген қатысушылардың басын қосты. Байқау «Ауыл» партиясының бастамасымен ұйымдастырылып, қазақ халқының маңызды рухани мұраларының бірі - бата өнерін жаңғырту мен насихаттауға бағытталды.