Сәкен мектебінің дарынды оқушылары жыл сайын облыстық, аймақтық, республикалық және халықаралық білім сайыстары мен шығармашылық байқауларда топ жарып, облыс пен мектептің намысын қорғап келеді. Білім, өнер, спорт додаларында «Жүзден жүйрік, мыңнан тұлпар» атанған шәкірттер жетерлік. Олар бүгін балалық шақпен қоштасып, үлкен өмірге қадам басты.Бұл күні республикалық білім бәсекесіндегі үздік нәтижесі мен дарындылықтың айқын үлгісі ретінде 11 «Б» сынып оқушысы Назерке Меңдіғали «Жыл таңдауы – 2025» аталымымен, ал жоғары зияткерлік әлеуеті мен ерекше табандылығы үшін 11 «Б» сынып оқушысы Аружан Түмен «Зияткер түлек – 2025» аталымымен марапатталды. Мектеп мерейін асырған түлектерге облыс әкімінің атынан ноутбук сыйға тарту етілді. Айым Қобланды да үлкен өмірге қадам басты. Педагогтер отбасында тәрбиеленген ол болашақта мұғалім болуды жоспарлап отыр. Биылғы жылы Ұлттық бірыңғай тестілеу 16 мамыр мен 5 шілде аралығында өтеді. Облыс бойынша 6427 оқушы ҰБТ тапсыруға өтініш білдірді.: Білім басқармасының мәліметінше, биылғы оқу жылында оқушылар республикалық және халықаралық деңгейдегі 80-ге жуық медаль иеленіп, үздік нәтиже көрсетіпті. Мұғалімдер де шет қалмады: 2024 жылы облыстың 10 педагогі республикалық байқау жеңімпазы атанса, оралдық ұстаз Эльмара Траисова «Қазақстанның Еңбек Ері» атағына ие болды. Қазіргі таңда облыс бойынша 21 мыңнан астам педагог еңбек етуде. Олардың басым бөлігі — жаңа форматтағы білікті мамандар. Жыл соңында үш жаңа мектеп пайдалануға берілді. Тағы алты мектептің құрылысы жалғасуда. Сонымен қатар, алдағы үш жылда 86 мектеп күрделі жөндеуден өтеді.

Оралда ауыл шаруашалығы техникасының қосалқы бөлшектерін ұсынатын "As agro" атты сауда орны жұмысын басатады. Мұнда ауыл шаруашылығы техникасына қажетті барлық бұйымдарды табуға болады. Ал оның иесі кәсіпкер Емранов Асқардың айтуынша жалпы бұл жоба 18 жылдан бері жұмыс жасап келеді. Оралда ауыл шаруашылығы техникасына арналған қосалқы бөлшектер сататын жаңа сауда орны ашылды. "As agro" деп аталатын дүкенде техникаға қажетті майдан бастап подшипникке дейін - барлық бөлшектердің кең таңдауы ұсынылған. Бір ғана шаруашылықтағы барлық техникаға қажет бөлшектерді осы жерден табуға болады. Жобаның негізін қалаушы - кәсіпкер Асқар Емранов. Оның айтуынша, бұл бағытта 18 жылдан бері жүйелі жұмыс жүргізіліп келеді."As agro" - тек сауда орны емес, ауыл еңбеккерлерінің сенімді серігі. Мұнда сапалы қызмет көрсету мәдениетіне ерекше көңіл бөлінеді. Ал тұрақты тұтынушылар дүкеннің кең ассортименті мен ыңғайлы шарттарын атап өтуде. Және қаланың кез келген нүктесіне тегін жеткізу қызметі қарастырылған. "As agro" - ауыл шаруашылығы саласына сенімді қолдау көрсетуге дайын.Тағы бір тиімді тұс - "As agro" дүкенінде арнайы акция ұйымдастырылып жатыр. 200 мың теңгеге сауда жасаған клиенттер мотоцикл, көлік жуғыш құрылғысы немесе 50 мың теңгенің сыйлық сертификатына ие бола алады. Ұтыс ойыны тамыздың 1-і күні өтеді. Сыйлықтар салтанатты түрде табысталмақ. Дүкеннің мекен жайы - Ульяна Громова көшесі, 2Б.

Оралда тәртіп сақшыларының еңбегі бағаланды. Отан қорғаушылар күні қарсаңында қала әкімі Мұрат Байменов күштік құрылым қызметкерлеріне адал еңбегі үшін алғыс білдірді. Мереке иелеріне алғыс хаттар мен естелік сыйлықтар табысталды.Орал қаласының әкімдігінде Отан қорғаушылар күніне арналған салтанатты жиын өтті. Қала әкімі Мұрат Байменов құқық қорғау және күштік құрылым өкілдері — полиция, прокуратура, төтенше жағдайлар департаменті, әскери бөлімдер мен өзге де мекемелердің қызметкерлеріне алғыс хаттар табыстады. Шаһар басшысы қаланың бейбіт тіршілігі мен тұрақты дамуы – аталған сала мамандарының күн сайынғы жанқиярлық қызметінің жемісі екенін айтты.Салтанатты іс-шараға түрлі ведомстводан 40-тан астам қызметкер қатысты. Қала әкімі өз сөзінде елге адал қызмет етіп жүрген азаматтарға ризашылығын білдіріп, олардың қоғам тыныштығын сақтаудағы жауапты миссиясын атап өтті. Марапат иегерлері бұл құрметті жоғары бағалап, болашақта да ел сенімін ақтауға бар күштерін салатынын жеткізді. Салтанатты марапаттау - ел тыныштығы мен заң үстемдігін қамтамасыз етіп жүрген жандардың еңбегіне көрсетілген зор құрмет. Күштік құрылымдарда қызмет ету – бұл ерлікке толы жол, айнымас жауапкершілік пен Антқа берілген адалдықтың көрінісі.

БҚО мен Қытай Халық Республикасы кәсіпкерлерінің Форумы өтті. Екі ел арасындағы қарым қатынас дамып бүгінде сауда саттық саласында өзара бірлескен жобалар жүзеге асырылуда.Орал қаласында Батыс Қазақстан облысы мен Қытай Халық Республикасының кәсіпкерлері арасында сауда-экономикалық ынтымақтастықты дамытуға арналған ауқымды көрме өтті.Ауыл шаруашылығы мен өндірістік секторға арналған заманауи құрал-жабдықтар, инновациялық технологиялар және бірлескен жобалар - бүгінгі көрменің басты назарында болды.Көрмеге облыс әкімінің орынбасарлары, басқарма басшылары, аудан әкімдері және бизнес-құрылым өкілдері қатысты. Қытай тарапынан "Zhongzhi Maysen Company" сынды ірі компаниялардың делегациясы келді.Қытайдан келген делегация бұл көрме - екі ел арасындағы өнеркәсіптік ынтымақтастықты тереңдетуге мүмкіндік беретінін және қос ел арасындағы ұзақ мерзімді серіктестікке дайын екендерін тілге тиек етті. Қос тарап заманауи агротехника, қайта өңдеу құрылғылары мен шағын өндіріс желілеріне арналған жабдықтармен танысып, олардың өңір экономикасына енгізілу мүмкіндіктерін талқылады.Кездесу аясында бірнеше іскерлік кездесу өтіп, болашақтағы бірлескен жобалар мен технологиялық трансфер мәселелері бойынша келіссөздер жүргізілді.Және аул шаруашылығы саласы бойынша кәсіп ашқан аудан тұрғындары бұндай кездесулердің маңыздылығына тоқталды. Бүгінгі көрмеге аудандардан 50-ге жуық кәсіпкер қатысты. Мамандар атап өткендей енді облыс орталығыенда осындай көрме тұрақты түрде өткізіледі. Және кәсіпкерлер Қытай мемлекетінен қажетті құрылғы мен техникаларды тиімді бағаға ала алады.

Орал қаласының жүргізушілері қала ішіндегі, әсіресе екінші деңгейлі көшелердегі жол сапасының сын көтермейтініне шағымдануда. Айтуларынша, жол бойындағы шұңқырлар көлік жүргізуге кедергі келтіріп қана қоймай, автокөліктің жиі бұзылуына әкеліп соғады. Бұл отбасылық бюджеттің шығынын арттырып, тұрғындарға қосымша қаржылық ауыртпалық түсіріп отыр.Қаладағы автомобиль жолдарының жалпы ұзындығы — 693 шақырым. Соның тек 450 шақырымы ғана асфальт жабындысымен қамтылған. Жүргізушілердің айтуынша, жолдардың қанағаттанарлықсыз күйі бірнеше жылдан бері шешімін таппай келе жатқан өзекті мәселе. Шұрық-тесік жолдар көліктің доңғалағының жарылуына, бампердің сынуына және басқа да техникалық ақауларға себеп болып, тұрғындардың қалтасын қағуда.Қала әкімдігінің тұрғын үй-коммуналдық шаруашылық, жолаушы көлігі және автомобиль жолдары бөлімінің мәліметінше, былтырғы көктемгі су тасқыны салдарынан кейбір жоспарлы жобалар кейінге шегерілген. Соған қарамастан, 16 көшеге орташа жөндеу жұмыстары жүргізіліп, «Бор тауы» ауданында жолдарды жаңғырту басталған. Сондай-ақ, Еуразия көшесінде және қала сыртындағы бірқатар жол учаскелерінде жөндеу қолға алынған. Бұл жобалар кезең-кезеңімен жүзеге асырылуда. Жалпы, былтыр жол жөндеу жұмыстарына шамамен 2 млрд теңге бөлінген.Ал биылғы жылы былтыр басталған жобалармен қатар, 20-дан астам көшеде күрделі және орташа жөндеу жұмыстарын жүргізу жоспарланып отыр. Бұл мақсатқа 12 миллиард теңгеге жуық қаражат қарастырылған.Дегенмен қала тұрғындары жыл сайын қайталанатын «жамау» әдісінен шаршаған. Олар бір көшені қайта-қайта жөндей беру салық төлеушілердің қаржысын желге ұшырумен тең деп есептейді. Қалалықтар уақытша емес, ұзақ мерзімге шыдас беретін, сапалы жол жамылғысын талап етуде. «Неге бізде он жыл бойы жөндеусіз тұратын жолдар салынбайды?» деген сауал қоғамда жиі көтерілуде.Батыс Қазақстан облысы бойынша «Жол активтері сапасының ұлттық орталығы» филиалының мәліметінше, 2025 жылдың алғашқы тоқсанында бірқатар сапасыз жол жөндеу фактілері анықталған.Орал қаласының тұрғындары сапасыз жолдардан әбден мезі болған. Олар жергілікті билік бұл мәселені назардан тыс қалдырмай, нақты әрі нәтижелі қадамдарға барады деп үміттенеді. Қауіпсіз әрі жайлы жол инфрақұрылымы – қала тұрғындарының басты талабы.