Президент Қасым-Жомарт Тоқаев «Таза Қазақстан» экологиялық фестивалі аясында Астана қаласындағы «Жастар» саябағында экобелсенділермен бірге ағаш отырғызды.
Бұл игі бастама облыс орталықтарында да жалғасын тауып, Батыс Қазақстан облысының әкімі Нариман Төреғалиев Орал қаласындағы Тұңғыш Президент алаңында көпжылдық жасыл теректерді екті. Аталмыш шараға зиялы қауым өкілдері, БАҚ қызметкерлері, жастар және үкіметтік емес ұйым мүшелері қатысты.Көшет отырғызу шарасына қатысқан облыс әкімі Нариман Төреғалиев биылғы жылы қала бойынша атқарылатын жұмыстарға тоқталды. Ол «Жайық» жағалауы көп ұзамай қалалықтардың сүйікті демалыс орнына айналатынын атап өтті. Жалпы, Оралда бүгінгі таңда 60-қа жуық үйдің ауласы абаттандырылып қана қоймай, қасбеті де жөнделмек. Тұрғындарға жайлы жағдай жасау мақсатында бірқатар жоспарлы жұмыстар қолға алынуда.Қалада бұл үрдіс желтоқсан айына дейін жалғасады.Бұл шараға белсене атсалысқан Қазақстанның «Ақжол» демократиялық партиясының өкілдері "Таза Қазақстан" акциясына белсенді араласып, Оралдың ең таза қала статусын сақтауға зор үлес қосуда. Партиялықтар бүгінгі «Бүкілқазақстандық ағаш егу күні» акциясының да басы-қасынан табылды.Тазалық шарасына белсене қатысқан жастар өз қолдарымен еккен көшеттердің жайқалып, бүр жаруына көмектесіп, жаз бойы суарып отыратындығын жеткізді.Қала әкімінің орынбасары Жандос Дүйсенғалиев шаһарда тал егу шарасы бір ай бұрын басталып, бүгінге дейін 1000 түп ағаш отырғызылғанын мәлімдеді.Биыл облыс құрамындағы елді мекендерде 238 мың дана ағаш егу жоспарланып отыр. Ал Орал қаласында 5 мыңға жуық ағаш отырғызу көзделген. Бүгінгі шараға 150-ге жуық адам қатысты.

Президент Қасым-Жомарт Тоқаев атыраулық үш жасар бүлдіршін Дінмұхаммед Жұмажанға өз алғысын білдірді. Бұл жас балақайдың Ораза айт мерекесінен кейін көшеде шашылып қалған қоқыстарды жинап, өз ауласына тазалық жасауға деген ынтасын бейнелейтін видео көпшіліктің көңілінен шықты. Дінмұхаммедтің бұл әрекеті барша қазақстандықтарды азаматтық жауапкершілік пен табиғатты қорғауға деген ынтасын арттырып қана қоймай сүйсіндірді.Осыдан соң облыс әкімі Серік Шәпкенов бүлдіршінмен арнайы кездесіп, оның ісін жоғары бағалап, Президенттің алғыс хатын табыстады. «Таза Қазақстан» бастамасы тек уақытша акция емес, әр азаматтың өмір салтына айналуы керек деп атап өтті ол.Сондай-ақ естелікке велосипед сыйға тартып бойындағы жақсылыққа деген ұмтылысына қосымша қолдау көрсетті.Және ата-анасына да алғысын жеткізді.Бұл «Таза» және «әдемі» орта қалыптастыру жолында әркімнің атқаратын ролі маңызды екендігін көрсеткендей. Әсте жиналған жер емес шалымаған жер таза екені де баршаға аян.

Келер жылы осы мекенде «Жайлы мектеп» бағдарламасы бойынша мектеп салу жоспарланып отыр. Оған қоса жеке балабақшалар да пайда болады. Және қосымша қоғамдық көліктерді көбейту де жоспарланып отыр. Сондай-ақ мұнда қатқыл табанды жол да төселеді.Үкімет басшысының орынбасары «Көкжиек» шағынауданындағы құрылыстың қарқынына да қанықты. Мұнда жұмыстар толық дерлік аяқтала келген. Маңызды міндетті өз мойнына алған 5 мердігер 103 баспананы айдың аяғына дейін пайдалануға бермек. Қанат Бозымбаев жұмысты жеделдетіп, 1 қыркүйекке дейін зардап шеккен тұрғындарды жаңа үйлерге қоныстандыруды тапсырды.Облыс бойынша тасқыннан зардап шеккен 9 994 отбасының әрбіріне 100 АЕК көлемінде бір реттік төлем жасалса, үйі мен дүние-мүлкі бүлінген 10 222 жанұя 3 млрд 680 млнның өтемақысын алды. Бұған қоса панасыз қалған жанұяларға 2248 үй сатып алу көзделсе, қазір бұл жұмыстың тең жартысы орындалған. Сондай-ақ Сырым ауданындағы өтемақысыз қалған, зардап шеккен тұрғындар мәселесі де назарға алынады,- деді вице-премьер.

Биыл Орал қаласында ірі көлемді спорттық сауықтыру орталығының құрылысы аяқталады. Бұл туралы дене шынықтыру және спорт басқармасының басшысы Жеңіс Нығметуллин мәлімдеді. Апараттық кеңесте спорт саласындағы кемшіліктер мен жетістіктер туралы мәселе көтерілді.Мемлекет басшысының спорттық инфрақұрылымды нығайту жөніндегі тапсырмаларын орындау мақсатында биыл Казталов және Тасқала аудандарында 2 дене шынықтыру-сауықтыру кешендері қолданысқа беріледі және барлық аудандар 100% ДШСК-мен қамтылады. Өңірдің барлық ауданында спорттық сауықтыру кешендері болғанымен жетістіктер көңіл көншітпейді. Жаттықтырушы мамандар өзге облыстарға кетіп жатыр. Сол себепті мемлекеттік спорт клубтарын құру қажет. Сонда ғана нәтижиеге жетеміз,- дейді БҚО мәслихатының төрағасы Мұрат Рахметұлы.Облыс спортын дамытудағы басымды бағыттардың бірі - мүмкіндігі шектеулі азаматтар спортын дамыту. Елімізде денсаулық жағдайы бойынша мүмкіндігі шектеулі азаматтарға қамқорлық танытылып олардың спортпен шұғылдануын, толыққанды өмір сүруін қамтамасыз ететін шараларды белсенді қолға алу қажет. Соңғы 2 жылда Ақжайық, Жәнібек, Қаратөбе, Сырым, Тасқала, және Шыңғырлау аудандарында спортпен айналысатын мүмкіндігі шектеулі азаматтардың саны өзгеріссіз қалған. Бөкей ордасы және Бөрлі аудандарында спортпен айналысатын мүмкіндігі шектеулі азаматтардың саны азайған. Бұл дегеніңіз мүмкіндігі шектеулі жандардың денсаулығын жақсарту мен спортқа бет бұруға аудандық деңгейде жағдайдың жасалмағанын көрсетіп отыр. Аталымыш топтағы азаматтар үшін Оралда спорттық нысан құрылысы басталған.Бұдан бөлек аппарттық кеңесте облыс әкімі Нариман Төреғалиев сала жұмысын жандандыру бойынша басқарма басшысына нақты тапсырмалар берді. Оның ішінде бірнеше жылдан бері мемлекеттен степендия алып отырған қызметкерлердің жұмыс сапасын бағалау, нәтиже көрсетпей отырған мамандарды іріктеу сынды мәселелер бар. Басқарма басшысы мәлім еткендей ауылдарды спорттық кешендермен қамтамасыз ету жұмыстары одан әрі жалғасын табады. Соның ішінде, Жаңақала ауданы Жаңақазан ауылында Бәйтерек ауданы Дариян ауылында, Теректі ауданы Ақжайық және Жаңаөмір ауылында спорттық кешен бой көтереді. Бұдан бөлек П.Атоян атындағы стадионға қайта құру жұмыстарын жүргізу жоспарлануда. Қазіргі таңда ЖСҚ жасақталып, мемлекеттік сараптамаға жолданыпты. Сондай-ақ Ақжайық шағын ауданына үстел теннис орталағын салу үшін жер телімі бекітілген. Көп ұзамай мердігер мекеме анықталатын болады.

Солтүстік Қазақстан облысында жағдай күрделеніп тұр. Облыс әкiмiнiң орынбасары Қанат Дузелбаев өңірде су тасқыны жағдайы тұрақты бақылауға алынғанын хабарлап отыр. Облыстың 3 ауданы мен Петропавл қаласын су басу қауіпі төніп отыр. 219 елді мекенді су басу қауіпі жоғары. 40 үйдің 13-ін су басып қалған. 286 адам эвакуацияланып, 44 адам үйлеріне қайтарылды. 111 үйдің маңын су басты. Солтүстік Қазақстан облысына барлық күштік құрылымдар жұмылдырып жатыр. Өңірдегі жағдайды тексеріп қайтқан үкімет басшысы Сергеев су қоймасындағы су деңгейінің жоғарылауын ескере отырып, қолданыстағы бөгеттерді нығайту және олардың ұзындығы мен биіктігін арттыру бойынша жұмыстарды күшейтуді тапсырды.
Үкіметтің баспасөз қызметінің хабаралуынша, Олжас Бектенов су тасқынынан зардап шеккендерді қолдау шаралары мен жүргізіліп жатқан жұмыстар туралы тұрғындардың сұрақтарына жауап беріп, еріктілер мен сарапшыларға көрсеткен көмектері мен қолдаулары үшін алғысын білдірді. Алдағы 2-3 күнде тынымсыз, жұмыла жұмыс істеуге тура келеді.

ОЛЖАС БЕКТЕНОВ – ҚР ПРЕМЬЕР-МИНИСТРІ "Жұмысқа жеке құрам мен Ұлттық ұлан жұмылдырылды. Полк те күшейтіледі. Қорғаныс министрлігі қосылды, сондықтан күш жеткілікті болуы керек. Қазір күш біріктіруіміз керек. Алдағы 2-3 күнде ауыр зардаптардың алдын алу үшін көп жұмыс істеу керек. Ең алдымен адамдар зардап шекпеуі қажет ".

Осылайша барлығы 3000-ға жуық адам жұмылдырылды. Осы өңірде жүрген Вице-премьер Роман Скляр да жергілікті халықпен кездесіп, тасқын сумен күресті бақылауда. Скляр СҚО-дағы Заречный кентінің тұрғындарын шұғыл эвакуациялауды тапсырды. Ал Ақтөбе өңіріндегі жағдайды бақылапуда ұстап отырған Вице-премьер Серік Жұманғарин Ойыл өзені арқылы өтетін, бүгінде жарамсыз болып қалған көпірді қарап, сол жерде ҚазжолҒЗИ мамандарымен қалпына келтіру жұмыстарын тез арада бастауқажеттігін айтты. Сондай-ақ, Саралжын ауылдық округіндегі Шикұдық ауылының тұрғындарымен кездесті деп хабарлайды үкіметтің баспасөз қызметі.

Тасқын судан зардап шеккен 10 өңірдегі төтенше жағдай жарияланғаны мәлім. Көктемнің әлегіне тап болған халық баспанасыз, малсыз, дүние-мүлкісіз қалды. Тіпті қоладрына құжатын алып үлгермегендер де бар. Судың беті қайтқан соң, қара халық қайда барып паналайды? Су жүріп жатқан аймақтарда автожолдар жабылды. ҚазАвтожолдың хабаралуынша, Республикалық маңызы бар 15 автомобиль жолында су тасқынына байланысты қозғалысқа шектеу қойылды. Атырау, СҚО Қостанай өңірлерінде 8 жол жүру учаскесінде жалпы ұзындығы 3730 метр жолды су басқан.