Сәкен мектебінің дарынды оқушылары жыл сайын облыстық, аймақтық, республикалық және халықаралық білім сайыстары мен шығармашылық байқауларда топ жарып, облыс пен мектептің намысын қорғап келеді. Білім, өнер, спорт додаларында «Жүзден жүйрік, мыңнан тұлпар» атанған шәкірттер жетерлік. Олар бүгін балалық шақпен қоштасып, үлкен өмірге қадам басты.Бұл күні республикалық білім бәсекесіндегі үздік нәтижесі мен дарындылықтың айқын үлгісі ретінде 11 «Б» сынып оқушысы Назерке Меңдіғали «Жыл таңдауы – 2025» аталымымен, ал жоғары зияткерлік әлеуеті мен ерекше табандылығы үшін 11 «Б» сынып оқушысы Аружан Түмен «Зияткер түлек – 2025» аталымымен марапатталды. Мектеп мерейін асырған түлектерге облыс әкімінің атынан ноутбук сыйға тарту етілді. Айым Қобланды да үлкен өмірге қадам басты. Педагогтер отбасында тәрбиеленген ол болашақта мұғалім болуды жоспарлап отыр. Биылғы жылы Ұлттық бірыңғай тестілеу 16 мамыр мен 5 шілде аралығында өтеді. Облыс бойынша 6427 оқушы ҰБТ тапсыруға өтініш білдірді.: Білім басқармасының мәліметінше, биылғы оқу жылында оқушылар республикалық және халықаралық деңгейдегі 80-ге жуық медаль иеленіп, үздік нәтиже көрсетіпті. Мұғалімдер де шет қалмады: 2024 жылы облыстың 10 педагогі республикалық байқау жеңімпазы атанса, оралдық ұстаз Эльмара Траисова «Қазақстанның Еңбек Ері» атағына ие болды. Қазіргі таңда облыс бойынша 21 мыңнан астам педагог еңбек етуде. Олардың басым бөлігі — жаңа форматтағы білікті мамандар. Жыл соңында үш жаңа мектеп пайдалануға берілді. Тағы алты мектептің құрылысы жалғасуда. Сонымен қатар, алдағы үш жылда 86 мектеп күрделі жөндеуден өтеді.

Оралда ауыл шаруашалығы техникасының қосалқы бөлшектерін ұсынатын "As agro" атты сауда орны жұмысын басатады. Мұнда ауыл шаруашылығы техникасына қажетті барлық бұйымдарды табуға болады. Ал оның иесі кәсіпкер Емранов Асқардың айтуынша жалпы бұл жоба 18 жылдан бері жұмыс жасап келеді. Оралда ауыл шаруашылығы техникасына арналған қосалқы бөлшектер сататын жаңа сауда орны ашылды. "As agro" деп аталатын дүкенде техникаға қажетті майдан бастап подшипникке дейін - барлық бөлшектердің кең таңдауы ұсынылған. Бір ғана шаруашылықтағы барлық техникаға қажет бөлшектерді осы жерден табуға болады. Жобаның негізін қалаушы - кәсіпкер Асқар Емранов. Оның айтуынша, бұл бағытта 18 жылдан бері жүйелі жұмыс жүргізіліп келеді."As agro" - тек сауда орны емес, ауыл еңбеккерлерінің сенімді серігі. Мұнда сапалы қызмет көрсету мәдениетіне ерекше көңіл бөлінеді. Ал тұрақты тұтынушылар дүкеннің кең ассортименті мен ыңғайлы шарттарын атап өтуде. Және қаланың кез келген нүктесіне тегін жеткізу қызметі қарастырылған. "As agro" - ауыл шаруашылығы саласына сенімді қолдау көрсетуге дайын.Тағы бір тиімді тұс - "As agro" дүкенінде арнайы акция ұйымдастырылып жатыр. 200 мың теңгеге сауда жасаған клиенттер мотоцикл, көлік жуғыш құрылғысы немесе 50 мың теңгенің сыйлық сертификатына ие бола алады. Ұтыс ойыны тамыздың 1-і күні өтеді. Сыйлықтар салтанатты түрде табысталмақ. Дүкеннің мекен жайы - Ульяна Громова көшесі, 2Б.

"Орал таза сервис" ЖШС ұйымдастыруымен қалдықтарды сұрыптау көлемін ұлғайтудың жаңа жолдарын табуға арналған байқау өтті. Оған оқу орындармен мектеп оқушылары өз жобаларын ұсынды. Қорытынды шара кеше Жәңгір хан атаныдағы БҚАТУ -да өтті.«Орал Таза Сервис» ЖШС ұйымдастырған қалдықтарды сұрыптау байқауы өз мәресіне жетті. Қоршаған ортаны қорғау және экологияны жақсарту мақсатында өткен байқауға 50-ге жуық жоба ұсынылды. Әр жоба табиғатты қорғау және қалдықтарды тиімді сұрыптау жолдарын ұсынуға бағытталған болатын. Қорытынды шара Жәңгір хан атындағы Батыс Қазақстан аграрлық-техникалық университетінде өтті. Байқауға қатысқан жобалар арасынан үздік деп танылған 13 жоба қорытынды сайыста бақтарын сынады. Жобаларға экология саласының мамандары, ғалымдар және облыстық мәслихат депутаттары қазылық етті. Олар жастардың экологияны қорғаудағы рөлін атап өтіп, жобаларды жоғары бағалады. Әсіресе, қалдықтарды сұрыптауға арналған ерекше идеялар мен жобалар назардан тыс қалмады. Табиғат жанашырлары бұл жобаларды жасыл экономикаға алғашқы қадам ретінде сипаттады. Олардың айтуынша, жаңа жобалар шамамен 10 жыл ішінде өз жемісін беріп, экологиялық жағдайды жақсартуға үлес қосатын болады.Байқау қорытындысында жеңімпаздар анықталды.1-орын - НЗМ, 12 сынып - «Tazalyg» жобасы.2-орын - №51 жалпы білім беретін мектеп, 7 «В» сынып - Қуаныш Бек Мұқимұлының жобасы.3-орын - №44 мектептің 7 сынып оқушысы Еслямова Найляның жобасы. Бұл байқау - жастардың экологияны қорғауға деген ынтасын арттырып, қалдықтарды сұрыптау және қоршаған ортаны сақтауға арналған жаңа идеяларды насихаттауға арналаған. Табиғат жанашырларының бастамаларының арқасында болашақта еліміздің экологиялық жағдайы жақсара түсеріне сенімі мол!

Оралда тәртіп сақшыларының еңбегі бағаланды. Отан қорғаушылар күні қарсаңында қала әкімі Мұрат Байменов күштік құрылым қызметкерлеріне адал еңбегі үшін алғыс білдірді. Мереке иелеріне алғыс хаттар мен естелік сыйлықтар табысталды.Орал қаласының әкімдігінде Отан қорғаушылар күніне арналған салтанатты жиын өтті. Қала әкімі Мұрат Байменов құқық қорғау және күштік құрылым өкілдері — полиция, прокуратура, төтенше жағдайлар департаменті, әскери бөлімдер мен өзге де мекемелердің қызметкерлеріне алғыс хаттар табыстады. Шаһар басшысы қаланың бейбіт тіршілігі мен тұрақты дамуы – аталған сала мамандарының күн сайынғы жанқиярлық қызметінің жемісі екенін айтты.Салтанатты іс-шараға түрлі ведомстводан 40-тан астам қызметкер қатысты. Қала әкімі өз сөзінде елге адал қызмет етіп жүрген азаматтарға ризашылығын білдіріп, олардың қоғам тыныштығын сақтаудағы жауапты миссиясын атап өтті. Марапат иегерлері бұл құрметті жоғары бағалап, болашақта да ел сенімін ақтауға бар күштерін салатынын жеткізді. Салтанатты марапаттау - ел тыныштығы мен заң үстемдігін қамтамасыз етіп жүрген жандардың еңбегіне көрсетілген зор құрмет. Күштік құрылымдарда қызмет ету – бұл ерлікке толы жол, айнымас жауапкершілік пен Антқа берілген адалдықтың көрінісі.

БҚО мен Қытай Халық Республикасы кәсіпкерлерінің Форумы өтті. Екі ел арасындағы қарым қатынас дамып бүгінде сауда саттық саласында өзара бірлескен жобалар жүзеге асырылуда.Орал қаласында Батыс Қазақстан облысы мен Қытай Халық Республикасының кәсіпкерлері арасында сауда-экономикалық ынтымақтастықты дамытуға арналған ауқымды көрме өтті.Ауыл шаруашылығы мен өндірістік секторға арналған заманауи құрал-жабдықтар, инновациялық технологиялар және бірлескен жобалар - бүгінгі көрменің басты назарында болды.Көрмеге облыс әкімінің орынбасарлары, басқарма басшылары, аудан әкімдері және бизнес-құрылым өкілдері қатысты. Қытай тарапынан "Zhongzhi Maysen Company" сынды ірі компаниялардың делегациясы келді.Қытайдан келген делегация бұл көрме - екі ел арасындағы өнеркәсіптік ынтымақтастықты тереңдетуге мүмкіндік беретінін және қос ел арасындағы ұзақ мерзімді серіктестікке дайын екендерін тілге тиек етті. Қос тарап заманауи агротехника, қайта өңдеу құрылғылары мен шағын өндіріс желілеріне арналған жабдықтармен танысып, олардың өңір экономикасына енгізілу мүмкіндіктерін талқылады.Кездесу аясында бірнеше іскерлік кездесу өтіп, болашақтағы бірлескен жобалар мен технологиялық трансфер мәселелері бойынша келіссөздер жүргізілді.Және аул шаруашылығы саласы бойынша кәсіп ашқан аудан тұрғындары бұндай кездесулердің маңыздылығына тоқталды. Бүгінгі көрмеге аудандардан 50-ге жуық кәсіпкер қатысты. Мамандар атап өткендей енді облыс орталығыенда осындай көрме тұрақты түрде өткізіледі. Және кәсіпкерлер Қытай мемлекетінен қажетті құрылғы мен техникаларды тиімді бағаға ала алады.

Оралда «Таза Қазақстан» республикалық жобасы аясында өткен сенбіде кең ауқымды экологиялық акция өтті. Шараға белсенді жастар – жоғары оқу орындары мен колледж студенттері атсалысты. Бұл күнгі экологиялық акция Кеңес Одағының Батыры Темір Масин атындағы тынымбақта өтті. Шараға 50-ден астам студент қатысты. Бұл жолғы шара Жеңістің 80 жылдығына дайындық аясында ұйымдастырылды. Қатысушылар қоқыс жинап, ағаштарды әктеп, белгіленген аумақты тазалауға үлес қосты. Ұйымдастырушылардың айтуынша, мұндай бастамалар жастар арасында үлкен қолдау тауып отыр және оған қатысушылар қатары күн санап артуда.Сонымен қатар, жас буын «Ерлікке тағзым» акциясын өткізіп, бейбіт өмір үшін жанын қиған батырларды еске алды. Айта кетейік, республикалық шара барысында аймақтағы 126 тарихи-мәдени ескерткіштің аумағы тазартылған. Жыл басынан бері 25 мыңға жуық тұрғын санитарлық тазалау жұмыстарына қатысып, 2 мың тоннадан астам қоқыс шығарылды.

Жеңістің 80 жылдығына орай Жайық жеріне «Генералдар кеңесі» республикалық қоғамдық бірлестігінің өкілдері келді. Бүгін олар мәңгілік алауға гүл шоқтарын қойып, бірқатар кездесулер өткізді.Ұлы Отан соғысындағы Жеңістің 80 жылдығына орай республика көлемінде түрлі ауқымды іс-шаралар ұйымдастырылуда. Осыған орай 22 сәуір күні Батыс Қазақстан облысына Қазақстан Республикасы Ішкі істер министрлігінің ардагері, генерал-лейтенант Бексұлтан Сәрсекұлы бастаған «Генералдар кеңесі» арнайы сапармен келді.Делегация құрамында елге белгілі генерал-майорлар: Махамбет Мұстафа Қанапияұлы, Отарбаев Шаймурат Шәукетұлы, Сералиев Әлібек Болатович, Битимов Өміртай Макашұлы және Рахимжанов Төлеген Шаймерденұлы бар. Салтанатты шара барысында генерал-лейтенант Бексұлтан Сәрсекұлы БҚО Полиция департаментінің бастығы Арман Оразалиевті және Орал қаласының әкімі Мұрат Байменовті Кеңес Одағының Батыры, Халық қаһарманы, армия генералы Сағадат Нұрмағамбетовтің естелік төсбелгісімен марапаттады.
Бұдан соң Орал қаласындағы Жеңіс алаңында Батыс Қазақстан облысы Полиция департаментінің жеке құрамының қатысуымен Мәңгілік алауға гүл шоқтарын қою рәсімі өтті. Ерлік пен батырлықтың символына айналған боздақтар рухына тағзым етілді.Шара соңында Полиция департаментінің жеке құрамы сап түзеп, салтанатты түрде жүріп өтті.