Шығыс Қазақстан облысының Глубокое ауданында тұрғын үй өртеніп, үш адамның өмірі қиылды. Қаза тапқандардың бірі – әйел, қалған екеуі – кәмелетке толмаған балалар. Қайғылы оқиға Бобровка ауылында болған. Өрт сөндірушілер оқиға орнына жеткен кезде үйді түгелдей жалын шарпып, шатырдың бір бөлігі опырылып түскен. Өртті сөндіру барысында құтқарушылар үй ішінен әйел мен екі баланың денесін тапты. Тілсіз жау 63 шаршы метр аумақты шарпыған. Қазіргі уақытта өрт толық сөндірілді. Оқиғаның себептері анықталып жатыр.