БҚО-да республикалық маңызы бар көлік жолының бойында алғаш рет автогаз толтыру компрессорлық станциясы салынып, пайдалануға берілді. Сырым ауданына қарасты Жымпиты ауылындағы кешенде жүргізушілер мен жолаушыларға сервистік қызмет көрсетіледі. Салтанатты рәсімге облыс әкімінің орынбасары Мирас Мүлкәй, «Өнеркәсіпті дамыту қоры» АҚ Басқарма төрағасының орынбасары Азат Абайділдин, жергілікті атқарушы орган өкілдері мен тұрғындар қатысты.