Қазақстанда отбасындағы тұрмыстық зорлық зомбылық белең алуда. Ішкі істер министрлігінің мәліметінше, биыл отбасылық-тұрмыстыққа қатысты 668 қылмыс тіркелген. Отбасындағы кикілжіңнің 80 пайызына ер адам себепкер саналады. Жұмыссыздық, отбасындағы материалдық жағдайдың жоқтығы ерлі-зайпытлар арасында жанжал тудырады. 74 пайызында тұрақты жұмыс орны, ал 90 пайызында кәсіби және жоғары білімі жоқ. 78 пайыз жағдайда жәбірленушілер - әйелдер. Отбасында зардап шеккен 7,5 мың әйел дағдарыс орталықтарына орналастырылған. Көбіне олар үй тиранының қорқытып-үркіткеніне көндігіп жүреді. Өкінішке орай балалар да зардап шегеді. Министрдің айтуынша, биыл полицияға тұрмыстық зорлық-зомбылық туралы 100 мыңнан астам шағым түскен.

Бас полицейдің айтуынша, тұрмыстық қорлық-зомбылық Шымкент, Астана, Алматы қалаларында, және Қарағанды, Павлодар, Қостанай облыстарында көп тіркелген. Бірақ олардың 60% бойынша полиция тиісті шара қолдана алмаған. Өйткені полицейлер оқиға орнына келген кезде жәбірленушілер өтініш беруден бас тартқан. Заң талабы бойынша арыз-шағым болмаса полицейлер "үй тирандарын" жауапқа тарта алмайды. Отбасындағы зорлық-зомбылық үшін жауапкершілікті күшейтіп, ауыр қылмыс түріне ауыстыру керек дейді министр. Көше сыпыртып еңбекпен тәрбиелеу жолын да ұсынды.

Отбасындағы зорлық-зомбылықтан зардап шеккендерге арналған дағдарыс орталықтары еліміздің барлық аймағында бар деп айту қиын. Оны премьер-министрдің өзі де аңғарған.

Жыл басынан бері 35 мың әкімшілік хаттама толтырылды. Оның ішінде сот шешімі бойынша:10 мыңнан астам адам қамауға алынса, 8,5 мың адамға ескерту жасалды, 675 адамға айыппұл салынды.